રાજનીતિ / ગુજરાત રાજ્યસભાની 4 બેઠકની ચૂંટણીમાં કોંગ્રેસ બે બેઠકો પર જીત મેળવી શકે, ભાજપનું ટેન્શન વધ્યું

• 121 સભ્યોથી ભાજપે મેળવી હતી ત્રણ બેઠક 
• આ વખતે ભાજપ પાસે 102 સભ્યો 
• ઓછા સભ્યોને લઇ ભાજપને એક બેઠક ગુમાવવાનો વારો આવશે

2014માં રાજ્યસભાની ત્રણ બેઠક ભાજપે મેળવી હતી

ભાજપના સભ્યોમાં ઘટાડો થતા ભાજપ બેઠક ગુમાવી શકે છે. 121 સભ્યોથી ભાજપે ત્રણ બેઠક મેળવી હતી. આ વખતે ભાજપ પાસે 102 સભ્યો છે. ઓછા સભ્યોને લઇ ભાજપને એક બેઠક ગુમાવવાનો વારો આવશે. 

રાજ્યસભામાં ગુજરાતની ચાર બેઠકોની ચૂંટણીની તારીખે જાહેર થઈ છે. આગામી 26 માર્ચે ચાર બેઠકો માટે મતદાન થવાનું છે. અને તે જ દિવસે મત ગણતરી પણ હાથ ધરાશે. ભાજપના ત્રણ અને કોંગ્રેસના એક રાજ્યસભા સાંસદની ટર્મ પૂર્ણ થતી હોવાથી રાજ્યસભાની ચૂંટણી આયોજિત થવા જઈ રહી છે. 

કોની કોની ટર્મ થઈ રહી છે ખતમ

ભાજપના ચુની ગોહિલ, લાલજી વડોદીયા, શંભૂપ્રસાદ ટુડિયાની ટર્મ ખતમ થશે. જ્યારે કોગેસના મધુસુદન મિસ્ત્રીની ટર્મ પુર્ણ થશે. ગુજરાત વિધાનસભામાં ધારાસભ્યનું સંખ્યાબળ જોતા ભાજપને એક બેઠક વધારાની ગુમાવવી પડે તેમ છે. 

હાલ કોની પાસે છે કેટલી બેઠક

હાલ આ 4 બેઠકમાંથી ભાજપ પાસે 3 અને કોગ્રેસની એક બેઠક છે. ગુજરાતમાં રાજ્યસભાની કુલ 11 બેઠક છે. જેમાંથી ભાજપ પાસે 7 અને કોંગ્રેસ પાસે 4 બેઠક છે. હાલ કોંગ્રેસમાંથી મધુસુદન મિસ્ત્રી, અહમદ પટેલ, અમી યાજ્ઞિક અને નારણ રાઠવા રાજ્યસભાના સભ્ય છે. ત્યારે હવે કોંગ્રેસના 5 સભ્યો થઇ શકે છે.