કોરોના વાયરસ / કોરોનાથી રાહત યથાવત : હવે માત્ર 3 લાખ એક્ટિવ કેસ બચ્યા, જ્યારે 24 કલાકમાં 27 હજાર નવા કેસ નોંધાયા

• 24 કલાકમાં કોરોનાના 26 હજાર 964 મામલા 
• સતત બીજા દિવસે કોરોનાના કેસ 30 હજારથી નીચે 
• એક્ટિવ દર્દીઓની સંખ્યા કુલ મામલાના માત્ર 0.90 ટકા 

24 કલાકમાં કોરોનાના 26 હજાર 964 મામલા 

ગત એક દિવસમાં કોરોનાના 26 હજાર 964 મામલા નોંધાયા છે. આ સતત બીજો દિવસ છે જ્યારે કોરોનાના કેસ 30 હજારથી નીચે આવી રહ્યા છે. આના પર સોથી મોટી રાહત એ છે કે એક્ટિવ કેસની સંખ્યા ઝડપથી ઘટી રહી છે. હવે દેશમાં કોરોનાના એક્ટિવ દર્દીઓની સંખ્યા ફક્ત 3 લાખ 1 હજાર 989 રહી ગઈ છે. જે 6 મહિનાથી વધારે સમય બાદ સૌથી ઓછી છે.

એક્ટિવ દર્દીઓની સંખ્યા કુલ મામલાના માત્ર 0.90 ટકા 

તાજા આંકડા મુજબ દેશમાં હવે એક્ટિવ દર્દીઓની સંખ્યા કુલ મામલાના માત્ર 0.90 ટકા એટલે કે 1 ટકાથી પણ ઓછા રહી ગયા છે. ત્યારે કોરોનાથી સાજા થનારા લોકોનો દર માર્ચ 2020 એટલે ગત વર્ષ બાદથી અત્યાર સુધીના સૌથી ઉંચા સ્તર પર છે. હાલમાં આ આંકડો 97.77 ટકા છે.

એક દિવસમાં કોરોનાના 34 હજાર 167 દર્દી સાજા થયા

ગત એક દિવસમાં કોરોનાના 34 હજાર 167 દર્દી સાજા થઈ ચૂક્યા છે. આ બાદ અત્યાર સુધી દેશમાં કોરોનાથી સાજા થનારા આંકડા 3 કરોડ 27 લાખ 83 હજાર 741 સુધી પહોંચી ગયા છે.  ત્યારે અઠવાડિક પોઝિટિવિટી રેટ 89 દિવસમાં 3 ટકાની નીચે છે. રસીકરણમાં ભારત નવા નવા રેકોર્ડ બનાવી રહ્યું છે. અત્યાર સુધી દેશમાં કોરોનાની રસીના 82.65 કરોડ ડોઝ અપાઈ ચૂક્યા છે.