અમદાવાદ / સિંધુ ભવન રોડના રાધિકા પાર્ટી પ્લોટમાં લગ્ન સમારંભમાં 2.68 લાખ ભરેલું પાકીટ ચોરાયું

• લગ્નની મોસમમાં તસ્કરો બેફામ
• રાધિકા પાર્ટી પ્લોટમાં ચોરી
• ગઠિયો 2,68000 ની મત્તા લઇ ફરાર

શહેરમાં સિંધુ ભવન રોડ પર આવેલ રાધિકા પાર્ટી પ્લોટમાં યોજાયેલ લગ્નમાં સગાંવહાલાં અને સ્નેહીમિત્રોએ આપેલ સોના-ચાંદીના દાગીના તથા રોકડ રકમ મળી રૂ. 2,68000 ની કિંમતની મતાની કોઇ ગઠિયો ઉઠાંતરી કરી પલાયન થઇ જતાં ચકચાર મચી જવા પામી હતી.

રાધિકા પાર્ટી પ્લોટમાં યોજાયાં લગ્ન

મણિનગર ખાતે આવેલ દ્વારકેશ એપાર્ટમેન્ટમાં રહેતા મુકેશભાઈ પંડ્યાના દીકરાનાં લગ્ન સિંધુ ભવન રોડ પર આવેલ રાધિકા પાર્ટી પ્લોટમાં યોજાયાં હતાં. ભેટસોગાદો મુકેશભાઈએ તેમની પાસે રહેલ એક પાકીટમાં મૂકી રાખી હતી. એક તરફ લગ્નની સૌ મજા માણી રહ્યાં હતાં.

રૂ. 2,68000 ની મતા લઇને ગઠિયો રફુચક્કર

આ વખતે કોઈ ચાલાક ગઠિયો પણ આવી ગયો હતો અને કોઈનું ધ્યાન ન જાય તે રીતે આ ભેટસોગાદો તથા દાગીના રૂ.1.68 લાખના તેમજ એક લાખની રોકડ રકમ મળીને કુલ રૂ. 2,68000 ની મતાની કોઇક ગ‌િઠયો સૌની નજર ચૂકવીને ચોરી કરી પલાયન થઇ ગયો હતો. 

લગ્ન મંડપમાં મચી દોડધામ 

આ અંગે જાણ થતાં લગ્ન મંડપમાં દોડધામ મચી ગઈ હતી અને સૌ કોઈ ભેટસોગાદો શોધવામાં લાગી ગયાં હતાં. પાકીટ ન મળતાં છેવટે આ અંગે વસ્ત્રાપુર પોલીસ સ્ટેશનમાં ફરિયાદ નોંધાવી હતી. ફરિયાદના આધારે પોલીસે ગુનો દાખલ કરી આગળ તપાસ હાથ ધરી છે.