દેશમાં સૌથી વિકસિત કહેવાતા ગુજરાત પર 2 લાખ 67 હજાર 650 કરોડનું દેવું છે. ખૂદ ગુજરાત સરકારે દેવાનો આંકડો કર્યો જાહેર કર્યો છે.
ગુજરાતીઓ પર 2.67 લાખ કરોડનું દેવુ
પ્રત્યેક ગુજરાતીએ 42,484 આપવાના બાકી
10 વર્ષમાં ગુજરાતનું દેવું ડબલ થયું
કોરોનાકાળ બાદ ગુજરાત સરકારનું પ્રથમ બજેટ રજૂ થયું હતું. જેમાં વિવિધ ક્ષેત્રની યોજનાઓ અને જોગવાઈની જાહેરાત કરાઈ છે. તો બીજી તરફ પ્રશ્નોત્તરી કાળમાં એક ચોંકાવનારો આંકડો સામે આવ્યો છે. ગુજરાત પર કેટલું દેવું છે તેનો આંકડો જાહેર કરાયો છે. દેશમાં સૌથી વિકસિત કહેવાતા ગુજરાત પર 2 લાખ 67 હજાર 650 કરોડનું દેવું છે. ખૂદ ગુજરાત સરકારે દેવાનો આંકડો કર્યો જાહેર કર્યો છે.
પ્રત્યેક ગુજરાતી પર છે આટલું દેવું
ગુજરાતને વિકાસનું મોડલ તો કહેવામાં આવે છે. ત્યારે વર્ષ 2019-20 સુધીમાં રાજ્યના સાડા છ કરોડ ગુજરાતીઓ પર 2 લાખ 67 હજાર 650 કરોડનું દેવું બાકી છે. વેપારી પ્રજા કહેવાતા પ્રત્યેક ગુજરાતી પર 42 હજાર 484નું દેવું છે. ગુજરાતનું દેવું તેના બજેટ કરતા પણ વધારે છે. ગુજરાત સરકારનું એક વર્ષનું બજેટ રૂપિયા 2 લાખ 27 હજાર છે. વર્ષ 2011મા દરેક ગુજરાતી પર 18 હજાર 760 રૂપિયાનું દેવું હતું. તેના હિસાબથી વર્ષ 2011માં ગુજરાતીઓએ 1 લાખ 13 હજાર કરોડ રૂપિયા ચુકવવાના બાકી હતા.
બજેટ 2021
ગુજરાતના નાયબ મુખ્યમંત્રી અને નાણામંત્રી નીતિન પટેલે વર્ષ 2021-22નું બજેટ રજૂ કર્યું છે. રાજ્યનું 2 લાખ 27 હજાર 29 કરોડનું બજેટ રજૂ કર્યું છે. બજેટ રજૂ કરવામાં આવ્યું છે. આ પ્રસંગે નીતિન પટેલે જણાવ્યું હતું કે આ વખતનું બજેટ પાછલા બજેટ કરતા 10 હજાર કરોડથી વધારે છે. પાછલા બજેટ અને આ વખતના બજેટની સરખામણી કરીએ તો કૃષિ વિભાગમાં ગયા વર્ષે રૂપિયા 7423 કરોડની ફાળવણી કરવામાં આવી હતી. જ્યારે આ વર્ષે કૃષિ વિભાગમાં રૂપિયા 7232 કરોડની જાગવાઇ કરવામાં આવી છે. જે પાછલા બજેટ કરતા રૂપિયા 191 કરોડ ઓછું છે.
તો જળ સંપત્તિ વિભાગમાં ગત વર્ષની સરખામણીમાં રૂપિયા 1726 કરોડ ઓછું ફાળવવામાં આવ્યું છે. ગત વર્ષે રૂપિયા 7220 કરોડની ફાળવણી કરવામાં આવી હતી. જે ચાલું વર્ષે રૂપિયા 5494 કરોડની જોગવાઇ કરવામાં આવી છે. શિક્ષણ વિભાગની વાત કરીએ તો ચાલુ વર્ષે શિક્ષણ વિભાગમાં રૂપિયા 764 કરોડ વધારે ફાળવાયા છે. ગત વર્ષે 31,955 કરોડ ફાળવાયા હતા..જે ચાલુ વ્ષે વધારીને રૂપિયા 32,719 કરોડની ફાળવણી કરવામાં આવી છે...જ્યારે આરોગ્ય વિભાગમાં ગત વર્ષની સરખામણીમાં ચાલુ વર્ષે રૂપિયા 80 કરોડ વધુ ફાળવાયા છે.