બેદરકારી / કોરોનાગ્રસ્ત પુત્રએ મૃત્યુ પહેલા પિતાને મોકલ્યો વીડિયો, કહ્યું ‘હું શ્વાસ નથી લઈ શકતો પપ્પા,... બાય બાય, આ લોકોએ મારું વેન્ટિલેટર...’

• હું શ્વાસ લઈ શકતો નથી  ડેડી. બધાંને બાય બાય ડેડી
• વીડિયો મોકલવાની થોડી વારમાં જ તેના પુત્રનું મોત નીપજ્યું હતુ
• ખાને કહ્યું કે. આ યુવકનું અચાનક મોત નીપજ્યું હતું.

આ ઘટના શુક્રવારે રાત્રે બની હતી અને રવિવારે જ્યારે તે વીડિયો સોશિયલ મીડિયા પર વાયરલ થયો ત્યારે આ ઘટના પ્રકાશમાં આવ્યો હતો. હૈદરાબાદના એરાગડ્ડાની સરકારી ચેસ્ટ હોસ્પિટલના પલંગ પરથી મોકલવામાં આવેલા સેલ્ફી વીડિયોમાં આ વ્યક્તિએ તેના પિતાને કહ્યું, "તેઓએ વેન્ટિલેટર કાઢી નાંખ્યું છે અને છેલ્લા ત્રણ કલાકથી ઓક્સિજન સપોર્ટ પૂરા પાડવાની મારી વિનંતીનો જવાબ આપ્યો નથી." મારું હૃદય કામ કરવાનું બંધ કરી ચુક્યું છે અને માત્ર ફેફસાં કામ કરી રહ્યા છે પણ હું શ્વાસ લઈ શકતો નથી  ડેડી. બધાંને બાય બાય ડેડી. '

મૃતકના પિતાનું કહેવું છે કે વીડિયો મોકલવાની થોડી વારમાં જ તેના પુત્રનું મોત નીપજ્યું હતું. રવિવારે તેમના અંતિમ સંસ્કાર કરવામાં આવ્યા હતા. હૈદરાબાદના જવાહરનગરમાં રહેતા મૃતકના પિતાએ કહ્યું કે, મારા પુત્રને 24 જૂનથી વધુ તાવ હતો. અંતે કેટલીક હોસ્પિટલોમાં દાખલ થવાના પ્રયાસ કર્યા બાદ તેને 24 જૂને ચેસ્ટ હોસ્પિટલમાં દાખલ કરવામાં આવ્યો હતો. જ્યાં તેનું 26 જૂને અવસાન થયું હતું. '

જો કે ચેસ્ટ હોસ્પિટલના સુપરિન્ટેન્ડેન્ટ મહબૂબ ખાને આ આરોપને નકારી કાઢયો હતો કે વેન્ટિલેટર હટાવવામાં આવ્યું છે. ખાને કહ્યું કે, "તેને વેન્ટિલેટર સપોર્ટ આપવામાં આવ્યો હતો પરંતુ દર્દી એટલી નાજુક હાલતમાં હતો કે તેને ઓક્સિજનનો સપ્લાય ફીલ થઈ રહ્યો નહોતો." ખાને કહ્યું કે. આ યુવકનું અચાનક મોત નીપજ્યું હતું.

ખાને કહ્યું, “છેલ્લા કેટલાક દિવસોમાં અમારી સામે આવા કેસ આવ્યા છે. સામાન્ય રીતે કોવિડ -19ના ચેપગ્રસ્ત વૃદ્ધ લોકો ફેફસાની નિષ્ફળતાને કારણે મૃત્યુ પામે છે. આપણે હૃદયમાં વાયરલ ઇન્ફેક્શનને કારણે 25-40 વર્ષની વયના લોકોમાં એક નવી ફીનોમિના જોઇ રહ્યા છીએ. તેમને ઓક્સિજન આપવામાં આવે છે પરંતુ તેમને તે અપૂરતું લાગે છે. આમાં ડોકટરોની કોઈ ભૂલ નથી. '