દિલ્હીમાં 26 જાન્યુઆરીએ ગણતંત્ર દિવસમાં પ્રસંગે કૃષિ કાયદાના રદ્દ કરવાની માંગને લઈને પ્રદર્શન કરનારા ખેડૂતોએ ટ્રેક્ટર માર્ચ કરી હતી. ખેડૂતોના પ્રદર્શનમાં તોફાની તત્વોએ હિંસા ફેલાવી હતી. જેને લઈને પોલીસે ગુનો નોંધી તપાસ હાથ ધરી છે. પોલીસને 200 વીડિયો ફુટેજ મળ્યા છે તેમજ 6 શંકાસ્પદ ઉપદ્રવિઓની ઓળખ કર્યાનો પોલીસે દાવો કર્યો છે.
વોટ્સએપ ગ્રુપમાં પણ ઉશ્કેરણીજનક કામ કરવામાં આવ્યું - પોલીસ
6 ઉપદ્રવિઓ વિશે પોલીસને જાણવા મળ્યું છે
વીડિયોના આધારે ઉપદ્રવીઓની ઓળખ કરાઈ રહી છે.
6 ઉપદ્રવિઓ વિશે પોલીસને જાણવા મળ્યું છે
હવે દિલ્હી પોલીસ સાથે જોડાયેલા સૂત્રોએ હિંસા ભડકાવનારા 6 શંકાસ્પદોની ઓળખ કરી હોવાનો દાવો કર્યો છે. પોલીસે 200થી વધારે વીડિયો ફુટેજના આધાર પર તેમની ઓળખ કરી છે. આ 6 શંકાસ્પદોની ફુટેજના આધારે હિંસા ભડકાવવામાં મહત્વની ભૂમિકા હોવાનું સામે આવ્યું છે. ફુટેજના આધારે હિંસા આ તમામની શોધ ચાલી રહી છે. હકિકતમાં પોલીસની પાસે તમામ સીસીટીવી અને વીડિયો છે. તેની તપાસ બાદ 6 ઉપદ્રવિઓ વિશે પોલીસને જાણવા મળ્યું છે. હવે તેમની તપાસ થઈ રહી છે.
વીડિયોના આધારે ઉપદ્રવીઓની ઓળખ કરાઈ રહી છે
મળતી માહિતી મુજબ પોલીસે 10 ફોટોગ્રાફર અને 10 વીડિયો કેમેરા બહારથી ખાનગી રીતે મંગાવ્યા હતા. ગણતંત્ર દિવસના પ્રોગ્રામ ખતમ થયા બાદ આ તમામને હિંસા દરમિયાન કામ પર લગાવી દીધા હતા. હવે તે તમામ ફોટો અને વીડિયો લેવામાં આવી રહ્યા છે. આ ફોટો અને વીડિયોના આધારે ઉપદ્રવીઓની ઓળખ કરાઈ રહી છે.
ખેડૂત નેતાઓના ઉશ્કેરણીજનક વીડિયો હોવાનો પણ દાવો
ઉપદ્રવિયોની ઓખળ સુનિશ્ચિત કરવા માટે પોલીસે જનતાની મદદ માંગી છે. પોલીસે જનતાને અપીલ કરી છે કે હિંસા દરમિયાન જે લોકોએ મોબાઈલમાં કેમેરાથી વીડિયો બનાવ્યા છે. તે પોલીસને આપે. અત્યાર સુધીમાં પોલીસે 200થી વધારે ફુટેજ મેળવ્યા છે. તપાસ દરમિયાન કેટલાક ખેડૂત નેતાઓના વીડિયો પણ મળ્યા છે. જે ઉશ્કેરણીજનક ભાષણ આપી રહ્યા હતા. તેમના વીડિયોની તપાસ કરવામાં આવી રહી છે.
વોટ્સ એપર ગ્રુપમાં પણ ઉશ્કેરણીજનક કામ કરવામાં આવ્યું - પોલીસ
ખેડૂત આંદોલન શરુ થયું ત્યારે કેટલાક વોટ્સએપ ગ્રુપ બનાવવામાં આવ્યા હતા. પોલીસનો દાવો છે કે આ ગ્રુપમાં પણ ઉશ્કેરણીજનક કામ કરવામાં આવ્યું છે. તેમજ પોલીસ ટેક્નિકલ તપાસ પણ કરી રહી છે.