મળતી માહિતી અનુસાર દિલ્હી પોલિસે જણાવ્યું છે કે 23 જાન્યુઆરીએ એટલે કે આજે ફૂલ ડ્રેસ રિહર્સલ માટે વિજય ચોક, રાજપથ, તિલક માર્ગ, બહાદુર શાહ જફર માર્ગ, નેતાજી સુભાષ માર્ગ પર અવરજવર સંપૂર્ણ રીતે બંધ રહેશે.
દિલ્હીમાં ગણતંત્ર દિવસની તૈયારીઓ શરૂ
આજે યોજાશે ફૂલ ડ્રેસ રિહર્સલ, અનેક રસ્તાઓ રહેશે બંધ
પરેડની શરૂઆત સવારે 9.50ના સમયે વિજય ચોકથી થશે
ગણતંત્ર દિવસની પૂર્વ તૈયારીઓને લઈને દિલ્હી પોલીસે સુરક્ષાને ધ્યાનમાં રાખીને કેટલીક ખાસ વ્યવસ્થા કરી છે. જેમાં કેટલાક રસ્તાઓ બંધ કરવામાં આવ્યા છે તો કેટલાક મેટ્રો રૂટ પણ બપોર સુધી બંધ કરવામાં આવ્યા છે. દિલ્હી પોલીસ દ્વારા આ રૂટનું લિસ્ટ પણ જાહેર કરી દેવામાં આવ્યું છે.
23 જાન્યુઆરીએ એટલે કે આજે ફૂલ ડ્રેસ રિહર્સલ માટે વિજય ચોક, રાજપથ, તિલક માર્ગ, બહાદુર શાહ જફર માર્ગ, નેતાજી સુભાષ માર્ગ પર આવાગમન સંપૂર્ણ રીતે બંધ રહેશે. પરેડ 23 જાન્યુઆરીએ રાજપથથી લાલ કિલ્લા સુધી પહોંચશે.
આજે આ મેટ્રો સ્ટેશન રહેશે બંધ
23 જાન્યુઆરીએ ફૂલ ડ્રેસ રિહર્સલ પરેડના સમયે કેન્દ્રીય સચિવાલય સહિત 2 મેટ્રો સ્ટેશન સવારથી બપોર સુધી બંધ રહેશે. ગુરુવારે થનારી ફૂલ ડ્રેસ રિહર્સલ પરેડને માટે રફી માર્ગને 22 જાન્યુઆરીની રાતે 11 વાગ્યાથી બંધ કરી દેવામાં આવ્યો છે. આ સમયે દિલ્હીમાં બહારથી આવનારી બસનો પ્રવેશ પણ સવારે 9 વાગ્યાથી બંધ રહેશે.
25 જાન્યુઆરી સાંજે 6 વાગ્યાથી બંધ થશે આ રસ્તા
26 જાન્યુઆરીની પરેડને માટે નવી દિલ્હી જિલ્લાના અનેક મુખ્ય માર્ગો પર 25 જાન્યુઆરી સાંજે 6 વાગ્યાથી રસ્તા બંધ કરાશે. પરેડ માર્ગની વચ્ચે આવનારા 4 મેટ્રો સ્ટેશન પણ 26 જાન્યુઆરીએ સવારે 5 વાગ્યાથી બંધ રહેશે. તેમાં સચિવાલય અને ઉદ્યોગભવન મેટ્રો સ્ટેશન સામેલ છે.
26 જાન્યુઆરીએ બંધ રહેશે આ મેટ્રો સ્ટેશન
26 જાન્યુઆરી સવારે 5 વાગ્યાથી બપોરે 12 વાગ્યા સુધી કેન્દ્રીય સચિવાલય, ઉદ્યોગ ભવન, લોક કલ્યાણ માર્ગ, પટેલ ચોક, મેટ્રો સ્ટેશન બંધ રહેશે. દિલ્હી પોલીસે લોકોને અસુવિધા ન રહે તે માટે આ માર્ગો પર ન જવાની સલાહ આપી છે.