કહેવાય છે પ્રેમ માણસને બળવો કરવાનુ શિખવાડી દે છે. આ વાત વારંવાર કોઈના કોઈ પ્રેમી દ્વારા સાચી સાબિત થાય છે. 25 વર્ષની ઉંમરમાં 70 વર્ષના શખ્સ સાથે પ્રેમ થતા કઈક આવો બળવો આ યુવતીએ કર્યો. પરિવાર અને સમાજના ઈન્કાર બાદ પણ આ યુવતીએ આ આધેડ સાથે લગ્ન કર્યા.
25 વર્ષની યુવતીએ 70 વર્ષના આધેડ સાથે કર્યા લગ્ન
પરિવાર અને સમાજની મનાઈ છતાં યુવતીએ કર્યા લગ્ન
દંપત્તિ વચ્ચે ઉંમરનો ગેપ હોવાના કારણે લોકો કરે છે ટીકા
સોશિયલ મીડિયામાં છવાઈ સ્ટોરી
હવે જ્યારે પણ કોઈ તેમના 45 વર્ષના અંતર વચ્ચેના લગ્ન પર સવાલ ઉઠાવે છે તો આ દંપત્તિ કડક જવાબ આપીને તેનુ મોંઢૂ બંધ કરી દે છે. હાલમાં કેનેડામાં રહેતા આ પતિ-પત્ની સ્ટેફની અને ડૉન પોતાના સંબંધોને લઇને ચર્ચામાં છે. હાલમાં દંપત્તિએ એક યુ-ટ્યુબ ચેનલને ઈન્ટરવ્યું આપ્યું છે, 'Love Don’t Judge' નામના શોમાં સ્ટેફનીએ પોતાની લવ સ્ટોરી સંભળાવી તો દુનિયાએ તેના ભરપૂર વખાણ કર્યા.
પબમાં થઇ હતી બંનેની મુલાકાત
આ દંપત્તિની મુલાકાત 5 વર્ષ પહેલા એક પબમાં થઇ હતી. સ્ટેફની પબમાં નોકરી કરતી હતી અને ડૉન અહીંના રેગ્યુલર ગ્રાહક હતા. સ્ટેફનીએ જણાવ્યું કે જ્યારે પણ ડૉન તેના પબમાં આવતો હતો તે ખુશ થઇ જતી હતી. તેના માટે તે દિવસ સ્પેશિયલ થતો હતો. તેથી તેણે ડૉન સાથે લગ્ન કરવાનો નિર્ણય કર્યો અને હવે આ દંપત્તિની 2 વર્ષની દીકરી પણ છે.
પરિવારજનોએ પણ કર્યો હતો વિરોધ
સ્ટેફનીએ આ ઈન્ટરવ્યુમાં જણાવ્યું કે તેના નજીકના મિત્રો અને પરિવારજનો આ સંબંધથી ખુશ નથી. કારણકે જ્યારે લોકોને ખબર પડી કે આ બંનેની વચ્ચે 45 વર્ષનુ અંતર છે અને બંને લગ્ન કરવા માગે છે. આ વાતથી એવા લોકોને ઝટકો લાગ્યો કે જેની ઉંમર 20ની આજુબાજુ હતી. સ્ટેફની મુજબ તેના માતા-પિતા અને ભાઈને જ્યારે આ રિલેશનશિપ વિશે ખબર પડી તો તેમને ધક્કો લાગ્યો. તેઓ બધા વિચારી રહ્યાં હતા કે સ્ટેફનીનો આ સંબંધ ખૂબ ઓછા સમય માટે ચાલશે. લગ્ન બાદ પણ મુશ્કેલીઓ ઘટી નહીં. આ દંપત્તિએ વારંવાર આ ઉંમરના અંતરને કારણે લોકોની વાતને સાંભળવી પડે છે. પરંતુ સ્ટેફની અને ડૉનનુ કહેવુ છે કે તેઓ લોકોની વાત પર ધ્યાન આપતા નથી.