ગુજરાતનો દરિયોકાંઠો જાણે ડ્રગ્સ ઘૂસાડવા માટે માફિયાઓનો ફેવરિટ બની ગયો છે. ગુજરતમાં ફરી એક વાર ડ્રગ્સનો મોટો જથ્થો કંડલા પોર્ટ પરથી ઝડપાયો છે.
કચ્છમાં કંડલા પોર્ટ પર ડ્રગ્સ ઝડપાવાનો મામલો
ડ્રગ્સ ઝડપાવા મુદ્દે કંડલા પોર્ટ પ્રશાસને કરી સ્પષ્ટતા
કંડલા પોર્ટ પર આ પ્રકારની કોઈ કર્યાવાહી કે ડ્રગ્સ ઝડપાયું નથી
કંડલા પોર્ટથી 15 કિમી દૂર ખાનગી CFSમાં તપાસ ચાલી રહી છે
ડ્રગ્સ માફિયાઓ માટે ગુજરાતનો દરિયાકાંઠો જાણે હોટ ફેવરિટ બની ગયો હોય તેમ લાગી રહ્યું છે. ત્યારે ગુજરાતમાં ફરી એકવાર ડ્રગ્સનો મોટો જથ્થો ઝડપી પાડવામાં આવ્યો છે. પ્રાપ્ત વિગતો અનુસાર, કંડલા પોર્ટથી 15 કિ.મી દૂર 250 કિલો જેટલું હેરોઈન ઝડપાયું છે, જેની આંતરરાષ્ટ્રીય બજારમાં કિંમત 2500 કરોડ રુપિયા જેટલી થાય છે.
ગુજરાત ATS અને DRIની સંયુક્ત ટીમોએ ડ્રગ્સને ઝડપી પાડ્યું
ગુજરાત ATS અને DRIની સંયુક્ત કામગીરીમાં હેરોઈન ભરેલું કન્ટેનર ઝડપી પાડવામાં આવ્યું હતું. પ્રાથમિક અહેવાલ અનુસાર, આ હેરોઈન અફઘાનિસ્તાનમાંથી આવ્યું હોવાની આશંકા સેવાઈ રહી છે. આ વખતે ઝડપાયેલું હેરોઇન પણ પાવડરની આડમાં લાવવામાં આવતુ હતું.આ ડ્રગ્સ એકદમ પ્યોર ફોર્મમાં છે.સૂત્રોના જણાવ્યા અનુસાર ગુજરાત ATSને આ ડ્રગ્સ અંગેની માહિતી મળી હતી જે બાદ તેની પર DRIએ કાર્યવાહી કરી હતી. જેમાં એક કન્ટેનરમાં 250 કિલો ડ્રગ્સ હતુ. જેની આંતરરાષ્ટ્રીય બજારની કિંમત જોઇએ તો 2500 કરોડની આસપાસ થાય છે.
ડ્રગ્સ ઝડપાવા મુદ્દે કંડલા પોર્ટ પ્રશાસને કરી સ્પષ્ટતા
કચ્છમાં કંડલા પોર્ટ પર ડ્રગ્સ ઝડપાવાનો મામલો કંડલા પોર્ટ પ્રશાસને સ્પષ્ટતા કરી હતી કે, કંડલા પોર્ટ પર આ પ્રકારની કોઈ કર્યાવાહી કે ડ્રગ્સ ઝડપાયું નથી. પરંતુ કંડલા પોર્ટથી 15 કિમી દૂર ખાનગી CFSમાં તપાસ ચાલી રહી છે. જો કે પહેલા એવું જણાવાઈ રહ્યું હતું કે, આ ડ્રગ્સ કંડલા પોર્ટ પરથી ઝડપાયું હતું
કન્ટેનરમાં ડ્રગ્સનો જથ્થો મોકલાયો હતો
એજન્સીઓને શક છે કે, આવું એક જ કન્ટેનર નહીં પરંતુ વધુ કન્ટેનર પણ હોય શકે છે. જેમાં આ કન્ટેનરની પણ તપાસ થઇ રહી છે.મહત્વનું છે કે, રો ડ્રગ્સ પાકિસ્તાનમાં તૈયાર થતું હોય છે પરંતુ તેને અફઘાનિસ્તાન અને ઇરાનના મારફતે ભારત લાવવામાં આવતુ હોય છે. જે બાદ તેને બીજા દેશમાં મોકલવામાં આવતુ હોય છે. આ પહેલા પણ ઝડપાયેલા ડ્રગ્સના મોટા જથ્થાને પણ આ રીતે જ લાવાવમાં આવ્યુ હતુ. તેની ખપત ભારતમાં થવાની ન હતી. તેને અન્ય દેશોમાં મોકલવાનું હતું. હાલ આ ડ્રગ્સ ક્યાં અને કોણે મોકલ્યું હતુ તે અંગેની તપાસ ચાલી રહી છે.
VTVના સળગતા સવાલો
- ડ્રગ્સ ઉતારવા માટે ગુજરાતનો દરિયો સેફ પેસેજ?
- ડ્રગ્સ મોકલનારા કેમ કરે છે ગુજરાતની પસંદગી?
- શું ગુજરાતથી ડ્રગ્સ આસાનીથી દેશમાં સપ્લાય કરી શકાય છે?
- શું ગુજરાત મરીન પોલીસના પેટ્રોલિંગમાં કોઇ ઉણપ છે?
- શું ઉણપનું ફાયદો ઉઠાવવા ગુજરાતના દરિયા કિનારે ડ્રગ્સ ઉતારાય છે?