જબરો હોંશિયાર / એકલાં હાથે 100 કંપનીઓ ખોલી, 250 કરોડ રૂપિયા રૂપિયાનું ફુલેકું ફેરવી ગયો

• ગાજિયાબાદમાં અઢીસો કરોડની વધુ એક છેતરપિંડી સામે આવી
• આ છેતરપિંડીને એકલા વ્યક્તિએ 100થી વધુ કંપનીઓ ખોલીને આપ્યો અંજામ
• પોલીસ તપાસમાં બહાર આવેલા બેન્કના એક ડીડીથી માસ્ટરમાઈન્ડ થયો બેનકાબ

આરોપીની કરાશે ધરપકડ: પોલીસ

પોલીસ હાથ પગ પછાડતી રહી. પરંતુ માસ્ટરમાઈન્ડની શોધખોળ લગાવી ના શકી. આખરે સવા ત્રણ વર્ષ બાદ પોલીસ તપાસમાં બહાર આવેલા બેન્કના એક ડીડીથી માસ્ટરમાઈન્ડ બેનકાબ થયો. પોલીસ મુજબ, આરોપીની ટૂંક સમયમાં ધરપકડ કરવામાં આવશે. ઓક્ટોબર 2018માં વાણિજ્ય અને કર વિભાગના તત્કાલિન આસિસ્ટન્ટ કમિશ્નર સુશાંત મિશ્રાએ ત્રણ કંપનીઓની સામે કેસ નોંધાવ્યો હતો. જેમાં સર્વશ્રી ટ્રેડિંગ કંપની, સર્વશ્રી ટીએમ એન્ટરપ્રાઈઝ અને સર્વશ્રી આરટી સ્ટીલ એન્ડ આયરન કંપની સામેલ હતી. એફઆઈઆરમાં આરોપ લગાવવામાં આવ્યો હતો કે છેતરપિંડી કરતા આ કંપનીઓનું રજીસ્ટ્રેશન કરાવવામાં આવ્યું છે. આ સાથે વાણિજ્ય કર વિભાગ અને બેંકોના મહેસૂલને પણ નુકસાન થયુ છે. કેસ નોંધી કવિનગર પોલીસે મામલાની તપાસ શરૂ કરી દીધી હતી. પરંતુ જેમ-જેમ તપાસ આગળ વધી. છેતરપિંડીની પોલ ખુલતી ગઇ. ફક્ત ત્રણ કંપનીઓ જ નહીં, પરંતુ 100થી વધુ એવી કંપનીઓ પ્રકાશમાં આવી, જે નકલી દસ્તાવેજ પર ઉભી હતી.

નામ, કંપનીનુ સરનામુ અને ખાતા નકલી નિકળ્યાં 

પોલીસનું કહેવુ છે કે  જે લોકોના દસ્તાવેજ હતા. તેને બાદમાં પૂછપરછ કરવામાં આવી તો નવી વાત પ્રકાશમાં આવી. તેમણે કોઈ કંપની માટે દસ્તાવેજ ના આપવાની વાત કહી. પોલીસે ફરી વખત કંપનીઓની કુંડળી બહાર કાઢી. લગભગ એક વર્ષ સુધી પોલીસે એક-એક કંપનીને ટ્રેસ કરી અને વાણિજ્ય કર વિભાગ તરફથી માહિતી પ્રાપ્ત કરી. તપાસમાં 100થી વધુ કંપનીઓ નકલી દસ્તાવેજો પર મળી. પોલીસ મુજબ, કંપની ધારકનું નામ, કંપનીનુ સરનામુ અને ખાતા બધા નકલી નિકળ્યાં.