ગુડગાવમાં રવિવારે લગભગ 25 વર્ષીય એક મહિલાની સાથે 4 પુરુષો દ્વારા ગેંગરેપ કરવામાં આવ્યો હતો અને તેને ખરાબ રીતે માર મારવામાં આવ્યો હતો. જેનાથી તે ગંભીર રીતે ઈજાગ્રસ્ત થઈ હતી. પોલીસે રવિવારે આ માહિતી આપી હતી.
આરોપીઓ વિરુદ્ધ ફરિયાદ દાખલ કરવામાં આવી છે
તમામ આરોપીઓની ધરપકડ કરવામાં આવી છે
આ ઘટના ડીએલએફ ફેઝ 2માં બની હતી
પોલીસે કહ્યું હતું કે આરોપીઓની ઉંમર 20થી 25 વર્ષની વચ્ચે છે અને તમામ આરોપીની ઘટના બન્યાના થોડાક કલાકમાં ધરપકડ કરાઈ હતી. ઉચ્ચ પોલીસ અધિકારી ગોયલે ફોન પર કહ્યું કે આ ઘટના ડીએલએફ ફેઝ 2માં બની હતી. તેમણે કહ્યું કે તમામ આરોપીઓની ધરપકડ કરવામાં આવી છે. જેમાંથી 3 ડિલીવરી બોય છે.
તેમણે કહ્યું કે 3 આરોપીમાંથી 1 આરોપી શનિવારે રાત્રે ગુડગાવના સિકંદરપુર મેટ્રો સ્ટેશનની પાસે એક મહિલાને મળ્યો અને તેને એક બિલ્ડરની ઓફિસમાં લઈ ગયો હતો. આ ઓફિસમાં જ તેની સાથે દુષ્કર્મ થયુ હત. અન્ય ત્રણ આરોપી ત્યાં હાજર હતા. એસીપીએ કહ્યું કે મહિલાના વિરોધ કરવા પર તેને ખરાબ રીતે મારવામાં આવ્યા અને દિવાલ પર તેનું માથુ ભટકાડવામાં આવ્યું. તેમણે કહ્યું કે મહિલા ગંભીર રીતે ઘાયલ છે અને તેને ગુરુગ્રામની એક હોસ્પિટલમાં દાખલ કરવામાં આવી છે.
પોલીસે એમ પણ કહ્યું કે ઘટના બાદ આરોપી ત્યાંથી ભાગી ગયા હતા અને મહિલાના રોવાનો અવાસ સાંભળી પરિસરમાં હાજર સુરક્ષાકર્મી ત્યાં પહોંચ્યા અને તેણે પોલીસને જાણ કરી હતી. એ બાદ તેને હોસ્પિટલમાં દાખલ કરવામાં આવી હતી. અન્ય પોલીસ અધિકારીએ કહ્યું કે આરોપીઓ વિરુદ્ધ ફરિયાદ દાખલ કરવામાં આવી છે.