દુનિયાભરમાં ચાઇલ્ડ પોર્નોગ્રાફી (Child Pornography) પર લગામ લગાવવાની કવાયત ચાલી રહી છે. ભારત પણ આ કવાયતમાં સામેલ છે, પરંતુ અમેરિકાની એક એજન્સીએ જે ડાટા જાહેર કર્યો છે તે ભારત માટે શરમજનક છે. અમેરિકાની નેશનલ સેન્ટર ફોર મિસિંગ એન્ડ એક્સપ્લોયટેડ ચિલ્ડ્રન (NCMEC)એ ભારતના નેશનલ ક્રાઇમ રેકોર્ડ્સ બ્યૂરો (NCRB) ની સાથે મળીને એક ડાટા જાહેર કર્યો છે.
દુનિયાભરમાં ચાઇલ્ડ પોર્નોગ્રાફી (Child Pornography) પર લગામ લગાવવાની કવાયત
અમેરિકાની એક એજન્સીએ ડાટા જાહેર કર્યો, ભારત માટે શરમજનક સ્થિતિ
ચાઇલ્ડ પોર્નોગ્રાફી સાથે જોડાયેલ મટીરિયલ અપલોડ કરવામાં દિલ્હી ટોપ પર
તેના મુજબ ગત 5 મહીનાઓ દરમિયાન ભારતમાં તમામ સોશિયલ મીડિયા પ્લેટફોર્મ્સ પર 25 હજારથી વધારે ચાઇલ્ડ પોર્નોગ્રાફી સાથે જોડાયેલ મટીરિયલ અપલોડ કરવામાં આવ્યું.
ઇન્ડિયન એક્સપ્રેસના સમાચાર મુજબ, ગૃહ મંત્રાલય સાથે જોડાયેલા એક અધિકારીએ જણાવ્યું કે, ચાઇલ્ડ પોર્નોગ્રાફી સાથે જોડાયેલ મટીરિયલ અપલોડ કરવામાં દિલ્હી ટોપ પર છે. ત્યારબાદ અનુક્રમે મહારાષ્ટ્ર, ગુજરાત, ઉત્તર પ્રદેશ અને પશ્ચિમ બંગાળનો નંબર આવે છે.
અધિકારીએ જણાવ્યું કે, NCMECની રિપોર્ટના આધાર પર ઘણી એફઆઇઆર નોંધવામાં આવી છે અને દેશભરમાં ઘણા લોકોની ધરપકડ પણ કરવામાં આવી છે. સાથે જ આ ડાટાને અન્ય રાજ્યોની સાથે પણ શૅર કરવામાં આવી રહ્યો છે.
મહારાષ્ટ્રએ લોન્ચ કર્યું 'ઓપરેશન બ્લેકફેસ'
નેશનલ સેન્ટર ફોર મિસિંગ એન્ડ એક્સપ્લોયટેડ ચિલ્ડ્રન (NCMEC) ની રિપોર્ટ મળ્યા બાદ સુરક્ષા એજન્સીઓ અલર્ટ થઇ ગઇ છે. મહારાષ્ટ્રમાં ચાઇલ્ડ પોર્નોગ્રાફી ના વધતા કેસ રોકવા માટે 'ઓપરેશન બ્લેકફેસ' લોન્ચ કરાયું છે. એક અધિકારીએ કહ્યું કે પહેલીવાર અમને આ પ્રકારનો ડાટા મળ્યો છે. હવે આવા મામલાઓનો સામનો કરવા માટે રણનીતિ બનાવાઇ છે અને તેની અનુસાર કામ કરવામાં આવી રહ્યું છે.
શું છે NCMEC?
નેશનલ સેન્ટર ફોર મિસિંગ એન્ડ એક્સપ્લોયટેડ ચિલ્ડ્રન (NCMEC) એક પ્રાઇવેટ સંસ્થા છે. તેની સ્થાપના વર્ષ 1984માં યૂએસ કોંગ્રેસે કરી હતી. આ સંસ્થા બાળકોનું યૌન ઉત્પીડન રોકવા અને આવા મામલાઓની શોધખોળ કરવાનું કામ કરે છે. ભારતે ગત વર્ષે એનસીએમઇસીની સાથે એક એમઓયૂ સાઇન કર્યું હતું. ત્યારબાદથી જ આ સંસ્થા ભારતને ઇનપુટ ઉપલબ્ધ કરાવી રહી છે. 23 જાન્યુઆરી, 2020 સુધી આવા 25,000 મામલાઓની જાણકારી મળી છે.