રાજકોટ મહાનગરપાલિકાની તિજોરી ખાલીખમ.છતાં મનપાના ગાર્ડન શાખાના અધિકારી દ્વારા રિટાયર્ડ પૂર્વે અધિકારી દ્વારા ટોયલેટ બ્લોક અને સિક્યુરિટી કેબિનનો ઓર્ડર 4 લાખ રૂપિયામાં કરાયો
રાજકોટ મહા નગર પાલિકામાં ભ્રષ્ટાચાર
ટોયલેટ બ્લોક અને સિક્યુરિટી કેબિન ખરીદી
4 લાખની કિંમતની ખરીદી કરાતા આક્ષેપ
રાજકોટ મહાનગરપાલિકાની તિજોરી ખાલીખમ છે ત્યારે કર્મચારીઓ દ્વારા આડેધડ ખર્ચ કરવામાં આવી રહ્યો છે. રાજકોટ મનપાના ગાર્ડન શાખાના અધિકારી દ્વારા રિટાયર્ડ પૂર્વે અધિકારી દ્વારા ટોયલેટ બ્લોક અને સિક્યુરિટી કેબિનનો ઓર્ડર 4 લાખ રૂપિયામાં કરવામાં આવ્યો હતો. ડૉ. હાપલિયા દ્વારા આ બંને વસ્તુનો ઓર્ડર પોર્ટલ પરથી કરવામાં આવ્યો હતો. મનપાના ઓર્ડર મુજબ વસ્તુઓ આવી પરંતુ તેની ગુણવત્તા હલકી હોવાને લઇ આક્ષેપો થયા છે. વિપક્ષ કોંગ્રેસ દ્વારા આ મામલે આક્ષેપ કરવામાં આવ્યા છે. કોંગ્રેસના ભાનબેને જણાવ્યું છે કે અધિકારીઓ આડેધડ ખર્ચ કરી રહ્યા છે. કમિશ્નર અને મેયરને અધિકારીઓ ગાંઠતા નથી. 20 થી 25 રૂપિયાના બાથરૂમ 4 લાખમાં ખરીદાયા હોવાથી ભ્રષ્ટ્રાચાર થયો હોય શકે છે.
આ મામલે મેયરે પણ નિવેદન આપી જણાવ્યું છે કે કંપનીને ટોયલેટ બ્લોક અને સિક્યુરિટી કેબિન પરત લઇ જવા માટે જણાવી દેવામાં આવ્યું છે અને કંપનીને કોઇપણ પ્રકારનું પેમેન્ટ કરવામાં આવ્યું નથી.