1 ઓક્ટોબર બાદ જો તમે વાહન ખરીદો છો તે જૂની કારને સ્ક્રેપિંગ પોલીસી હેઠળ આપો છો તો તમને સરકાર 25 ટકા છૂટ આપશે.
નવી કાર ખરીદવા પર મળશે ડિસ્કાઉન્ટ
જૂની કારને સ્ક્રેપિંગ પોલીસીમાં આપવી પડશે
સરકારે બનાવ્યો પર્યાવરણ માટે ખાસ પ્લાન
સરકારે માર્ચમાં સ્ક્રેપિંગ પોલીસીનો ડ્રાફ્ટ નોટિફીકેશન જાહેર કર્યુ હતુ. જેમાં સરકારે સાફ કહ્યું હતુ કે પ્રદૂષણને ઓછુ કરવા માટે 15 વર્ષ જૂના કોમર્શિયલ અને 20 વર્ષ જૂના નોન કોમર્શિયલ વાહનોને ભંગારમાં આપી દેવામાં આવશે.
સરકારે નોટીફીકેશનમાં સાફ કહ્યું હતુ કે જે વાહન 8 વર્ષ જૂના હશે તેમની પાસેથી ગ્રીન ટેક્સ વસુલવામાં આવશે અને આ પૈસા પર્યાવરણને સુરક્ષિત કરવા માટે વપરાશે. વ્હીકલ સ્ક્રેપિંગ સર્ટીફીકેટ સાથે નવી કાર ખરીદશો તો તમને 25 ટકા ડિસ્કાઉન્ટ મળશે. કમર્શિયલ વાહન ખરીદવા પર 15 ટકાની છૂટ મળશે.
15 વર્ષ માટે મળશે છૂટ
ડ્રોફ્ટ નોટીફીકેશન અનુસાર સ્ક્રેપિંગ સર્ટીફીકેટ સાથે પેસેન્જર ગાડી ખરીદવા પર 25 ટકા અને કમર્શિયલ વાહન ખરીદવા પર 15 ટકાની છૂટ મળશે. સરકારના નોટીફીકેશન અનુસાર કમર્શિયલ વ્હીકલ પર 8 વર્ષ માટે ટેક્સછૂટ આપવામાં આવશે. જ્યારે પર્સનલ વ્હીકલ ખરીદવા પર 15 વર્ષ સુધી ટેક્સ છુટ મળશે.
ઑટો સેક્ટરમાં વધશે માગ
નિતિન ગડકરી અનુસાર સ્ક્રેપિંગ પોલીસી લાગૂ થવાથી નવા વાહનોની કિંમતમાં 10 ટકા સુધીની કમી આવશે. જેનાથી દેશમાં નવા વાહનોની માગ વધશે અને ઓટો સેક્ટરમાં તેજી આવશે. જેનાથી 35 હજાર લોકોને રોજગાર મળશે.