મુંબઈમાં ડીઆરઆઈએ 125 કરોડની કિંમતનું ડ્રગ્સ ઝડપી પાડ્યું છે. આરોપી ઈરાનથી મગફળીના થેલામાં આ ડ્રગ્સ લાવ્યો હોવાનું સામે આવ્યું છે. સમગ્ર મામલે એક બિઝનેસમેનની ધરપકડ કરવામાં આવી છે.
મુંબઈમાં 25 કિલોના ડ્રગ્સનો પર્દાફાશ
આરોપી મગફળીના થેલામાં ડ્રગ્સ ભરીને ભારત લાવ્યો હતો
ઈરાનથી આરોપી કન્ટેનરમાં ડ્રગ્સ ભરીને આવ્યો હતો
મુંબઈમાં ડીઆરઆઈએ 25 કિલો ડ્રગ ઝડપી પાડ્યું છે જેની કુલ કિંમત 125 કરોડ રૂપિયા થાય છે. આ ડ્રગ્સ મુંબઈના ન્હાવા શેવા પોર્ટ પર કંટેનરમાં આવ્યું હતું. સમગ્ર મામલે ડીઆરઆઈ દ્વારા જયેશ સાંઘવી નામના એક બિઝનેસમેનની ધરપકડ કરવામાં આવી છે. જેની 11 ઓક્ટોબસ સુધી ડીઆરઆઈ પૂછપરછ કરશે.
મગફળીના થેલામાં છુપાવ્યો હતો ડ્રગ્સ
આ ડ્રગ્સની તસ્કરી કરવા માટે અનોખો પેંતરો અપનાવામાં આવ્યો હતો. ઈરાનથી આવેલા એક કંટેનરમાં મગફળી થેલાઓમાં આ ડ્રગ્સ છુપાવામાં આવ્યો હતો. જોકે સમગ્ર મામલે ડીઆરઆઈ દ્વારા રેડ કરીને ડ્રગ્સ ઝડપી પાડવામાં આવ્યો હતો.
જુલાઈમાં ઝડપાયું હતું 2 હજાર કરોડનું ડ્રગ્સ
અગાઉ જુલાઈ માસમાં પણ ઈરાનથી આવેલા 2 હજાર કરોડના ડ્રગ્સનો પર્દાફાશ થયો હતો. તે જથ્થો પણ ડીઆરઆઈ દ્વારાજ ઝડપી લેવામાં આવ્યો હતો. હાલ જે 125 કરોડનું 25 કિલો ડ્રગ્સ ઝડપાયું છે તે ડ્રગ્સને આરોપીઓ પંજાબ મોકલવાના હતા તેવી માહિતી સામે આવી છે. જેથી ડીઆરઆઈએ ત્યાના પ્રભજીત સિંહની પણ ધરપકડ કરી છે.
મુંબઈ એરપોર્ટ પર ઝડપાયું હતું 25 કરોડનું ડ્રગ્સ
ઉલ્લેખનીય છે કે ગત સપ્ટેમ્બરમાં પણ મુંબઈ એરપોર્ટ પરથી 5 કિલો ડ્રગ્સ સાથે બે મહિલાઓની ધરપકડ કરવામાં આવી હતી. જેની કિંમત 25 કરોડ રૂપિયા હતી. બંને મહિલાઓ સંબંધમાં માતા પુત્રી હતી અને તેઓ દક્ષિણ આફ્રીકાના જોહબાનેસબર્ગથી આવી હતી. જેમની પાસેખી અત્યાર સુધીમાં એરપોર્ટ પર સૌથી વધારે માત્રામાં ડ્રગ્સ મળી આવ્યું હતું.