અકસ્માત / માઉન્ટ આબુથી નીચે ઉતરતી બસ પલટી, 1નું મોત, 12થી વધુ લોકો ઇજાગ્રસ્ત, તમામ મુસાફરો ખંભાતના

• માઉન્ટ આબુથી નીચે ઉતરતી બસ પલટી
• બસમાં 25 જેટલા યાત્રિકો સવાર હતા
• ગુજરાતના ખંભાતના મુસાફરો હોવાનું સામે આવ્યુ

ગુજરાતના પ્રવાસીઓને અકસ્માત નડ્યો છે. ગુજરાતના પ્રવાસીઓની બસ ખીણમાં પલટી ખાઇ છે. માઉન્ટઆબુમાં વિરબાબા મંદિર પાસે આ બસ પલટી ખાઇ ગઇ છે. શિવમ ટ્રાવેલ્સની બસમાં પ્રવાસીઓ ગયા હતા. ટ્રાવેલ્સનો માલીક અમિત પટેલ બસ ચલાવતો હતો. આ અકસ્માતમાં બસના કંડક્ટર પંકજ નામના યુવકનું મોત થયું હતું. આ તમામ મુસાફરો લાલગુરુ ચોકના રહેવાસી છે. એર બ્રેકમાંથી એર નિકળી હોવાથી બ્રેક ન લાગતા અકસ્માત થયો હતો. ડ્રાઇવરે ગાડીને ખાઇમાં જતા બચાવી હતી. રોડની બાજુમાં આવતી પથ્થરની રેલીંગ પાસે બસ આડી પડી હતી. આ બસમાં 23 મુસાફર, 1 ડ્રાઇવર અને 1 કંડ્કટર સવાર હતા.

આ બસમાં 15થી વધુ મુસાફરો ઇજાગ્રસ્ત થયા છે. આ ઇજાગ્રસ્તોને સારવાર અર્થે ગ્લોબલ હોસ્પિટલ ખસેડવામાં આવ્યા છે. મળતી માહિતી અનુસાર, બસની બ્રેક ફેઇલ થઇ જતા બસ પલટી હતી.

આ તમામ મુસાફરો ગુજરાતના ખંભાતના હોવાનું સામે આવ્યું છે. અકસ્માતની ઘટના બનતા આરોગ્ય વિભાગની ટીમ અને પોલીસની ટીમ તાત્કાલિક ઘટના સ્થળે પહોંચી હતી. સ્થાનિક પોલીસે ઘટનાસ્થળે પહોંચીને બચાવ કામગીરી શરૂ કરી હતી.  સ્થાનિકો અને પોલીસની ટીમે રેસ્ક્યુની કામગીરી શરૂ કરી હતી. હાલ બસ ક્યાંથી આવી હતી તેની તપાસ હાથ ધરવામાં આવી છે.