અભ્યાસ / ચીનની ચિંતા વધારનાર માલાબાર સૈન્ય અભ્યાસ શરુ, ભારત સહિત આ ચાર દેશો બતાવશે પોતાની તાકાત

• અમેરિકા સુરક્ષા તરીકે ક્વોર્ડને સમર્થન કરી રહ્યું 
•  હથિયારોથી ફાયરિંગનો પણ અભ્યાસ કરવામાં આવશે
•  નૌસેના અભ્યાસનું બીજું ચરણ 17-20 નવેમ્બરની વચ્ચે અરબ સાગરમાં શરુ થશે

સૈન્ય અભ્યાસ 3 દિવસ સુધી ચાલશે અને શુક્રવારે ખતમ થઈ જશે. આ ચાર દેશોના નૌસેના અભ્યાસ બીજું ચરણ 17-20 નવેમ્બરની વચ્ચે અરબ સાગરમાં શરુ થશે. ગત અઠવાડિયાએ ભારતે આ જાહેરાત કરી હતી કે ઓસ્ટ્રેલિયા પણ આ અભ્યાસમાં ભાગ લેશે. જેના પર અમેરિકાએ સહમતિ દર્શાવી હતી.

ક્વાર્ડ સભ્ય દેશોના વિદેશ મંત્રીઓની ટોકિયોમાં બેઠકના 2 અઠવાડિયા બાદ ભારતે ઓસ્ટ્રેલિયાના અભ્યાસમાં ભાગ લેવાનું આમંત્રણ આપ્યું હતું. જાપાનમાં થયેલી આ બેઠકમાં ચાર દેશોની વચ્ચે હિંદ પ્રશાંતમાં સહયોગ વધારવા પર વિસ્તૃત વાતચીત કરવામાં આવી હતી. અધિકારીઓએ જણાવ્યું કે પહેલા ચરણમાં જટિલ અને અત્યાધુનિક નૌસેના અભ્યાસ થશે.

Phase 1 of 24th edition of Naval Exercise Malabar 2020 to commence off Visakhapatnam in BayofBengal from 3rd to 6th Nov: Ministry of Defence. (File pics) pic.twitter.com/xDzqMuDfTh

— ANI (@ANI) November 3, 2020

આ અભ્યાસમાં સબમરીન નષ્ટ કરનાર અથવા હવાઈ યુદ્ધને પહોંચી વળવાનું અભિયાન થસે. આ ઉપરાંત હથિયારોથી ફાયરિંગનો પણ અભ્યાસ કરવામાં આવશે. માલાબાર અભ્યાસ 1992માં ભારતીય નૌસેના અને અમેરિકન નૌસેનાની વચ્ચે હિંન્દ મહાસાગરમાં એક દ્વિપક્ષીય અભ્યાસના રુપમાં શરુ થયો હતો. પછીથી 2015માં જાપાન આનો સ્થાયી સભ્ય બન્યું છે.

આ અભ્યાસમાં ભારતીય નૌસેના રણવિજય, યુદ્ધ જહાજ શિવાલિક, મુદ્ર તટીય જહાજ નૌકા સુકન્યા, જહાજોના કાફલાને મદદ પહોંચાડનાર જહાજ શક્તિ અને સબમરીન સિંધુરાજને સામિલ કરશે. ચીનની વધતી આક્રમક્તાને કાબૂમાં રાખવા માટે અમેરિકા સુરક્ષા તરીકે ક્વોર્ડને સમર્થન કરી રહ્યું છે.