Coronavirus / અમેરિકામાં એક જ દિવસમાં કોરોનાના 24, 277 નવા કેસ નોંધાયા, અમેરિકાએ સસ્તા વેન્ટિલેટર તૈયાર કર્યા

• અમેરિકામાં સાજા થનારીની સંખ્યા માત્ર 7251 જ છે.
• અમેરિકામાં વેન્ટિલેટરની અછત સર્જાઈ
• એક જ દિવસમાં 865 લોકોના મોત 

અમેરિકાની સ્થિતિ દિવસેને દિવસે ખરાબ થઈ રહી છે. તેના દર્દીઓની સંખ્યા ઈટલી કરતા પણ વધારે છે. જોકે સંખ્યાની સરખામણીમાં તેના મોતની સંખ્યા ઓછી છે. છતા તેનો રેસિયો ચિંતા જનક છે. અમેરિકામાં ચીન કરતા પણ વધારે લોકોના મોત નિપજ્યા છે. ઉલ્લેખનીય છે કે ચીનમાં અત્યાર સુધીમાં  3305 લોકોના મોત નિપજ્યા છે. જ્યારે અમેરિકામાં 3889 લોકોના મોત નિપજ્યા છે. છેલ્લા 24 કલાકમાં અમેરિકાના કોરોનાના 24277 દર્દીઓ વધ્યા છે. 

અમેરિકામાં પહેલો કેસ 10 જાન્યુારીના રોજ નોંધાયો હતો. અમેરિકાએ સોશિયલ ડિસ્ટન્સિંગ જેવા આદેશો અને નિર્ણયો લેવામાં બહું મોટુ કર્યો હોવાની ભૂલ તેને બહું મોટી ભોગવવી પડી શકે તેમ વિશેષજ્ઞોનું માનવું છે.

દેર આયે દુરસ્ત આયે જેવી સ્થિતિ અમેરિકામાં સર્જાઈ છે. લોકડાઉનને અયોગ્ય ગણનાર ડ્રમ્પે લોકડાઉન તો ન કર્યુ પણ લોકોને કારણ વગર બહાર નીકળવા પર પ્રતિબંધ લગાવી દીધો છે. ટ્રમ્પે અમેરિકનોને આવનારા 2 અઠવાડિયા સુધી ચેતવ્યા છે. ટ્રમ્પે કહ્યું છે કે આવનારા 2 અઠવાડિયા બહું ખરાબ રહેવાના છે. 

એક સમાચાર એજન્સીના જણાવ્યાનુંસાર જોન્સ હોપકિન્સે જણાવ્યું છે કે અમેરિકાએ કોરોના વાયરસથી થનારા મોતનો આંક ચીન કરતા વધારે છે. 

અમેરિકાની વિશ્વવિદ્યાલયે સ્વચાલિત અને સસ્તા વેન્ટિલેટર બનાવ્યા

દુનિયાભરમાં કોરોના વાયરસથી વધી રહેલા કેસને કારણે વેન્ટિલેટરની ડિમાન્ડ વધી છે. આ દરમિયાન ટેક્સાસના એક વિશ્વવિદ્યાલયે સ્વચાલિત અને હાથમાં લઈ ઉપયોગ કરી શકાય તેવા સસ્તા શ્વાસન ઉપકરણ બનાવ્યા છે. જેને ઝડપથી ઉપયોગમાં લેવાશે.

 દુનિયાભરના 200 જેટલા દેશો અને તેના વિસ્તારોમાં કોવિડ -19થી 858,669  લોકો પીડાય છે. જ્યારે 42,151 લોકોના મોત નિપજ્યા છે. ઉલ્લેખનીય છે. હાલ અમેરિકામાં 177390 એક્ટિવ કેસ છે જેમાંથી 4576 લોકોની સ્થિતિ ક્રિટિકલ છે. ત્યારે અમેરિકાની હોસ્પિટલમાં વેન્ટિલેટરોની અછત સર્જાયી છે. જેને પગલે મેડિકલ ઈક્વિપમેન્ટની અછત ભરવા સતત પ્રયત્નો કરવામાં આવી રહ્યા છે.