દુનિયાભરમાં કોરોનાનો કહેર વર્તાઈ રહ્યો છે. દુનિયા ભરના દેશો તેનાથી છુટકારો મળવવા માટે રસી બનાવવામાં લાગ્યા છે. ત્યારે અનેક સવાલો થઈ રહ્યા છે કે શું એક વાર ચેપ લાગ્યા બાદ ફરી ચેપ લાગવાની શક્યતા છે ખરી? ત્યારે અનેક સંશોધકો કહે છે કે એક વાર કોરોના થયા પછી બોડીમાં એન્ટીબોડી તૈયાર થઈ જાય છે. જોકે હાલમાં સામે આવેલો કિસ્સો ચિંતાજનક છે. ઉલ્લેખનીય છે કે સંશોધકો એમ પણ માને છે કે એન્ટીબોડી 3 મહિના સુધી રક્ષણ આપે છે. જોકે હાલ વિશ્વનો પહેલો એવો કેસ સામે આવ્યો છે જેને 4 મહિના પછી ફરી કોરોના થયો છે.
4 મહિના પછી યુવક થયો ફરી કોરોનાગ્રસ્ત
કોઈ વ્યક્તિના ફરી ચેપગ્રસ્ત થવાનો વિશ્વનો આ પહેલો કેસ
યુવકે એપ્રિલમાં હોસ્પિટલમાંથી રજા મેળવી હતી
હોંગકોંગમાં એક યુવકને લગભગ 4 મહિના પહેલા ફરીથી કોરોના થયો હોવાનો કેસ સામે આવ્યો છે. યૂનિવર્સિટી ઓફ હોંગકોંગના રિસર્ચર્સનું કહેવું છે કે કોઈ વ્યક્તિના ફરી સંક્રમિત થયાનો આ પહેલો કેસ છે.
33 વર્ષના યુવકે કોરોનાને માત આપીને એપ્રિલમાં હોસ્પિટલમાંથી રજા મેળવી હતી. પણ હાલમાં તેનો ટેસ્ટ પોઝિટિવ આવ્યો છે. તે સ્પેનથી વાયા બ્રિટન થઈ 15 ઓગસ્ટે પાછો ફર્યો છે.
કોરોના મામલે હોંગકોંગમાં થયેલા નવા ખુલાસાથી દુનિયાભરના લોકોને ચિંતામાં મૂકી દિધા છે. કારણકે કોરોનાની સારવાર બાદ સાજા થયેલા યુવકને ફરીથી કોરોના થયો છે. અત્યાર સુધી ડોક્ટરોનું માનવું હતું કે એકવાર કોરોના થયા બાદ દર્દીની રોગપ્રતિકારક શક્તિ એટલી વધી જાય છે કે ફરીથી તેને કોરોના ન થઈ શકે. આ સ્થિતિને ધ્યાને રાખીને જ અન્ય દર્દીને પ્લાઝમાં આપવાનો સિલસિલો શરૂ થયો. પરંતુ યુનિવર્સિટી ઓફ હોંગકોંગના રિસર્ચમાં ખુલાસો થયો છે કે 4 મહિના બાદ એક યુવકને ફરીથી કોરોના થયો છે. આ યુનિવર્સિટીનો દાવો છે કે સતત બીજીવાર કોરોના સંક્રમિત થયાનો પહેલો કેસ છે.