ફરક એ વાતથી નથી પડતો કે તમે ક્યાંથી આવો છો પરંતુ ક્યાં સુધી જાઓ છો. ઓડિશાના માઓવાદ પ્રભાવિત મલકાનગિરી જિલ્લામાં રહેનારી આદિવાસી યુવતીએ ક્યારેય નહી વિચાર્યુ હોય કે તે એક દિવસ પાયલટ બનશે, પરંતુ મહેનત અને નસીબના આધારે તેને પોતાનું સપનુ પૂરુ કર્યુ.
ઓડિશાના નક્સલ પ્રભાવિત વિસ્તાર મલકાનગિરિ જિલ્લાની અનુપ્રિયા મધુલિતા લાકરા રાજ્યની પહેલી આદિવાસી મહિલા છે જે કોમર્શિયલ પાયલટ બની.
પાયલટ બનવાની ઇચ્છા ધરાવતી અનુપ્રિયાએ 7 વર્ષ પહેલા એન્જિનિયરિંગમાં અભ્યાસ અધવચ્ચે જ છોડી દીધો અને 2012માં તેણે એવિએશન એકેડમીમાં એડમિશન લીધું. પોતાની આવડત અને મહેનતને કારણે તેણે જલ્દીથી ખાનગી વિમાન કંપનીમાં કો-પાયલટ તરીકે સેવા આપશે. ઓડિશાના મુખ્યમંત્રી નવીન પટનાયકે યુવતીને શુભકામના આપી છે.
મુખ્યમંત્રી નવીન પટનાયકે ટ્વીટ કરતા લખ્યુ કે, ''હું અનુપ્રિયાની સફળતા અંગે જાણીને ખૂબ જ ખુશ થયો. તેના દ્વારા સતત પ્રયત્નો અને દ્ગઢતાથી મેળવેલી સફળતા લોકો માટે ઉદાહરણ છે. એક સફળ પાયલટના રૂપમાં અનુપ્રિયાએ વધુ સફળતા મળે તેવી શુભકામનાઓ..'' અનુપ્રિયાના પિતા પોલીસમાં હવલદાર છે અને માતા ગૃહિણી છે.
તમને જણાવી દઇએ કે, અનુપ્રિયાએ 10માં સુધી અભ્યાસ કોન્વેન્ટ સ્કૂલમાં 12માં સુધીનો અભ્યાસ સેમિલિદુગાની એક સ્કૂલમાંથી કર્યો. અનુપ્રિયાની પિતાએ જણાવ્યુ કે, ''પાઇટલ બનવાની ઇચ્છા તેણે એન્જિનિયરિંગનો અભ્યાસ વચ્ચે જ છોડી દીધો અને પાઇલટ પ્રવેશની પરીક્ષાની તૈયારી શરૂ કરી.ઈલટ બનવાનું અનુપ્રિયાનું સપનું હકીકતમાં ફેરવાઈ જતા તે આજે ખૂબ જ ખુશ છે. અનુપ્રિયાએ એક ખાનગી વિમાન કંપનીમાં કો-પાઇટલ તરીકે સેવા આપશે.'' અનુપ્રિયાની માતાએ કહ્યું કે,''હું ખુબ જ ખુશ છું. મલકાનગિરિના લોકો માટે આ ગર્વની વાત છે. તેની સફળતા અન્ય યુવતીઓને પ્રેરણા આપશે.''