ગત સાંજે સમાચાર આવ્યા કે વડોદરા જિલ્લાના સાવલીના ધારાસભ્ય કેતન ઈનામદારે ધારાસભ્ય પદેથી રાજીનામું આપ્યું ને સમગ્ર ભાજપમાં ખળભળાટ મચી ગયો ત્યાર બાદ આજે ફરી ભાજપ શાસિત સાવલી નગરપાલિકાના તમામ 23 સભ્યોએ રાજીનામું ધરી દીધું છે. આ સાથે આજે સવારે નારાજ કેતનભાઈને મળવા ભાજપના પ્રદેશ પ્રમુખ જીતુ વાઘાણી આવવાના હતા પરંતુ તેમની તબિયત એકાએક લથડી છે એવા સમાચાર આવે છે.
ગત સાંજે કેતન ઈનામદાર બાદ સાવલી નગરપાલિકા સભ્યોએ રાજીનામની વાત કરી હતી
કેતનભાઈને મળવા જવાના સમયે જ જીતુભાઈને તબિયત લથડી
આજનો સમગ્ર દિવસ ભાજપનો ભડકો ઠારવામાં જશે અને મનામણા થશે?
જો કે આ સમગ્ર રાજકીય ઘટનાક્રમ કંઈક નવું નવું જ થઈ રહ્યું છે. એક બાજુ સાવલીના ધારાસભ્ય અને નગરપાલિકાના તમામ સભ્યોના રાજીનામા અને એજ ટાંણે ભાજપના પ્રદેશ પ્રમુખની તબિયત લથડવાના સમાચાર કંઈક ગળે ઉતરે તેવા નથી. જો કે જીતુભાઈની તબિયત વધુ લથડી હોવાથી એમ્બ્યુલન્સ પણ બોલાવાઈ છે.
જીતુ વાઘાણી તબિયત અચાનક લથડી
ભાજપના પ્રદેશ પ્રમુખ આજે ધારાસભ્ય કેતન ઈનામદારને મળવા જવાના હતા ત્યારે જ પ્રદેશ પ્રમુખ જીતુ વાઘાણીની તબિયત લથડતા આ મુલાકાત હાલ પુરતી મોકુફ રહી છે.
એકસાથે 23 સભ્યોએ આપ્યા રાજીનામા
ગઈકાલે કેતન ઈનામદારના રાજીનામા બાદ આજે વડોદરાના સાવલી નગરપાલીકામાં રાજીનામાનો સિલસિલો ચાલ્યો છે. એક સાથે કેતન ઈનામદારના સમર્થનમાં 23 સભ્યોએ રાજીનામાં ધરી દેતા ખળભળાટ મચી ગયો છે. સાવલી નગરપાલીકામા ભાજપની બોડીમાં પ્રમુખ સહિત ભાજપના તમામ 23 સદસ્યોએ રાજીનામા આપ્યા છે. ચિફ ઓફીસરને 23 સભ્યોએ રાજીનામા આપ્યા છે.