કોરોના વાયરસને પગલે 23 ગુજરાતી વિદ્યાર્થીઓ પોલેન્ડના એરપોર્ટ ઉપર અટવાયા છે. પોલેન્ડમાં Warsaw Frederic Chopin એરપોર્ટ ઉપર 53 ભારતીયો છેલ્લા 3 દિવસથી ભુખ્યા તરસ્યા ભારત આવવા માટે રાહ જોઈને બેસી રહ્યા છે.
23 ગુજરાતીઓમાં મોટા ભાગના નડિયાદ, જામનગરના
3 દિવસથી ભૂખ્યા તરસ્યા બેસી રહ્યા છે એરપોર્ટ
ભારત આવતી ફ્લાઈટોમાં નથી મળી રહી એન્ટ્રી
પોલેન્ડ એરપોર્ટ ( Warsaw Frederic Chopin Airport )ઉપરથી વરસા યુનિવર્સિટીના વિદ્યાર્થીઓનો વીડિયો આવ્યો છે. જેમાં 53 ભારતીયો ભુખ્યા અને તરસ્યા વતન પાછા આવવાની રાહ જોતા બેઠા છે. 53 જણામાં 23 ગુજરાતીઓ છે અને 30 અન્ય રાજ્યોના છે.
23 ગુજરાતીઓમાં મોટા ભાગના નડિયાદ, જામનગરના
જામનગરના કેવલ વસરાએ ગુજરાત સંપર્ક કરીને વીડિયો મોકલાવ્યો છે. આ વિદ્યાર્થીઓએ યુનિવર્સિટી અને હોસ્ટેલને છોડીને એરપોર્ટ ભારત આવવા ફ્લાઈટ પકડવાની તૈયારી કરી લીધી હતી પરંતુ એરપોર્ટ ઉપર જ ફસાઈ પડ્યા હતા.
3 દિવસથી ભૂખ્યા તરસ્યા બેસી રહ્યા છે એરપોર્ટ
આ વિદ્યાર્થીઓ એરપોર્ટ ફ્લાઈટ પકડવા આવ્યા હતા પરંતુ યુરોપમાં કોરોનાના કહેરને કારણે યુરોપથી આવતી તમામ ફ્લાઈટને મુસાફરો સાથે લાવવાની મનાઈ કરી દેવામાં આવી છે. જેને કારણે DGCA ભારત આવતા તમામ પ્લેન મુસાફરો વગર ખાલી આવી રહ્યા છે.
કોણ કોણ ફસાયા છે પોલેન્ડ એરપોર્ટ પર?
પરીધી અગ્રવાલ
પ્રનવ પ્રવીન
રેહાંશુ વીજ
રોહન કપુર
મનજીત સિંઘ
વેકરિયા દ્રષ્ટી
અંકીત કુમાર શેખવાલા
વિરેન્દ્ર રામાણી
આયુષ સાગપરીયા
તરંગ અગ્રવાલ
પટેલ ઋતુલ
બોરડા ભાર્ગવકુમાર
ખારેચા ઉમંગ
દેશમુખ ભોમિક
વરસા કેવલ
જેટા લવકેશ
કેન્નેડી ર્કિતાર્થ
ચોરસિયા પીયુષ
શું કહે છે વિદ્યાર્થી
પોલેન્ડ બોર્ડર બંધ કરી રહ્યું છે. LOT એર લાઇનની બે ફ્લાઇટ ઉડી રહી છે અને એક ખાલી ફ્લાઇટ જાય છે. અમારી જેવા અહીં અનેક લોકો ફસાયા છે. જેમાં વિદ્યાર્થીઓ છે, કામ કરવાવાળા છે. કોઇને કોઇ ઇમરજન્સી ભારતમાં છે. આથી આ લોકો ભારત પહોંચી શકે તેમ નથી. 3 દિવસથી અમે એરપોર્ટ પર રોકાયા છીએ. અમારી પાસે રહેવાની જગ્યા પણ નથી. અમે 53 લોકો એરપોર્ટ પર અટવાઇ ગયા છીએ. અહીં કોઇ ઇંગ્લીશ સમજતુ નથી. પોલીસ આવે ત્યારે મેળ પડે છે. અમે ચેકઅપ માટે પણ જઇ શકતા નથી. તે લોકો સમજતા નથી કે અમને શું પ્રોબ્લેમ છે. ત્રણ દિવસથી બેક ટુ બેક કરી રિશિડ્યુલ દઇ રહ્યા છે, બોર્ડીંગ પાસ દઇ રહ્યા છે. પરંતુ એન્ટર કરવા દેતા નથી. રેસ્ટોરન્ટ પણ બંધ છે અને ખાવા માટેની ચીજવસ્તુઓ મળતી નથી.