દિલ્હીમાં અરવિંદ કેજરીવાલે ભારતીય જનતા પાર્ટી અને કોંગ્રેસ પર ઝાડું ફેરવી દીધું છે. કુલ પડેલા મતના 50 ટકાથી વધુ મત મેળવીને કેજરીવાલ સતત ત્રીજીવાર દિલ્હીની રાજગાદી પર બીરાજશે. તાજેતરમાં પ્રાપ્ત થયેલ રુઝાન મુજબ આમ આદમી પાર્ટી 45થી 55 બેઠકો મેળવવા તરફ આગળ વધી રહી છે. દિલ્હીના દંગલે કેટલાક રાજકીય સંદેશાઓ પણ આપ્યા છે. રાજસ્થાન, મધ્યપ્રદેશ, પંજાબ અને ત્યારબાદ દિલ્હીએ સાબિત કરી દીધું છે કે, વિધાનસભા ચૂંટણીમાં જનતા સ્થાનિક મુદ્દાઓને પ્રાધાન્ય આપે છે.
દિલ્હી વિધાનસભા ચૂંટણીમાં કમળ પર ફરી વળ્યું ઝાડું
પ્રતિક્ષાના 22 વર્ષમાં વધુ ઉમેરાયા 5 વર્ષ
ભાજપ દિલ્હીના દંગલમાં પાછળથી કૂદી હતી. શાહીનબાગથી માહોલ બદલવાનો પ્રયાસ કરવામાં આવ્યો. શરૂઆતમાં કેજરીવાલની હવા ઝડપી હતી પરંતુ અમિત શાહના આક્રમક પ્રચાર બાદ તે ધીમી પડી. જો કે, કેજરીવાલે ખુબ જ ચાલાકી સાથે દિલ્હીના મુદ્દાઓ પર ફોકસ કરવાનું ચાલુ રાખ્યું અને પરિણામ આપના પક્ષમાં ગયું. હજી તો પરિણામ સત્તાવાર રીતે જાહેર પણ થયું નથી ત્યાં કોંગ્રેસના ઉમેદવાર મુકેશ કુમારે પોતાના સત્તાવાર ટ્વીટર એકાઉન્ટ પર હારનો સ્વીકાર પણ કરી લીધો.
સ્થાનિક મુદ્દાઓ પર કેજરીવાલનું ફોકસ
દિલ્હીની જનતાએ સ્થાનિક મુદ્દાઓને ધ્યાનમાં રાખીને મતદાન કર્યું છે. તાજેતરમાં પ્રાપ્ત થયેલ રૂઝાન મુજબ, સ્લમ, અનિયમિત કોલોનીઓ અને ગ્રામીણ વિસ્તારોમાં કેજરીવાલની પાર્ટીએ જબરજસ્ત પ્રચાર કર્યો હતો, બુરાડી બેઠક તેનું ઉત્તમ ઉદાહરણ છે.
1998માં બની હતી છેલ્લીવાર સરકાર
1956 બાદ 1993માં દિલ્હીમાં વિધાનસભા ચૂંટણી યોજાઇ હતી. ત્યારે ભાજપની સરકાર બની હતી. દિવંગત ભાજપના નેતા મદનલાલ ખુરાના દિલ્હીના મુખ્યમંત્રી બન્યા હતા. 1996માં તેમની જગ્યા સિંહ વર્મા મુખ્યમંત્રી બન્યા હતા. ત્યારબાદના 2 વર્ષ બાદ દિલ્હીની કમાન 51 દિવસ માટે સુષ્મા સ્વરાજે સંભાળી હતી.
માત્ર 2 બેઠકો માટે સરકાર બનાવતા ચૂક્યું ભાજપ
જો કે, 1998માં શીલા દીક્ષિતે કોંગ્રેસને સત્તા અપાવી અને સતત 3 વખત સરકાર બનાવી. ત્યારબાદ દિલ્હીમાં આમ આદમી પાર્ટીએ ભાજપને ઝટકો આપ્યો. 2013માં ભાજપે શાનદાર પ્રદર્શન કરતા 34 બેઠક હાંસલ કરી, પરંતુ સરકાર બનાવવા માટે 2 બેઠક ઓછી પડતા આપ અને કોંગ્રેસે સાથે મળીને સરકાર બનાવી.
350થી વધુ નેતાઓને મેદાનમાં ઉતાર્યા
આ વખતે ભાજપે દિલ્હીના 70 ચૂંટણી ક્ષેત્રોમાં પાર્ટીના પ્રચાર માટે 350થી વધુ નેતાઓ અને ઉમેદવારોનો ઉપયોગ કર્યો હતો. ભાજપ શાસિત રાજ્યોના મોટાભાગના મુખ્યમંત્રી અને NDAના પ્રચાર માટે હાથ મેળવ્યો