સુરતના પીપલોદ વિસ્તારમાં આવેલી એક હોટલમાં 22 વર્ષીય યુવતીનું રહસ્યમય સંજોગોમાં મોત થયું છે. પોતાના પ્રેમી સાથે હોટલમાં આવેલી યુવતી રાત્રે સુતા બાદ સવારે ઉઠી જ ન હતી. યુવતીને તાત્કાલિક સારવાર માટે હોસ્પિટલ લઇ જવામાં આવી હતી, પરંતુ ફરજ પરના તબીબે તેને મૃત ઘોષિત કરી હતી. યુવતીના મોત અંગે અનેક રહસ્યો ઘૂંટાઇ રહ્યા છે. ત્યારે પોસ્ટમોર્ટમ રિપોર્ટ બાદ જ મોતના રહસ્ય ઉપરથી પડદો ઉંચકાશે.
સુરતમાં રહસ્યમય સંજોગોમાં યુવતીનું મૃત્યુ
યુવતી પ્રેમી સાથે હોટલના રૂમમાં આવી હતી
રૂમમાં આવ્યા બાદ સવારે ઉઠી જ નહીં
કેટલીક વખત લોકો નવા વર્ષની ઉજવણી કરવામાં ભાન ભૂલી જતા હોય છે, ત્યારે સુરત શહેરમાં પ્રેમી અને પ્રેમિકા નવા વર્ષની ઉજવણી માટે સુરતના પીપલોદ વિસ્તારની એક હોટલમાં પહોંચ્યા હતા. આ હોટલમાં રાત્રિના સમયે તેમના દ્વારા ચેકઇન કરવામાં આવ્યું હતું. રાત્રે ચેકઇન થયા બાદ સવારે યુવતીને પ્રેમી દ્વારા ઉઠાડવામાં આવી હતી, પરંતુ યુવતી ઉઠી ન હતી. જેથી પ્રેમી ગભરાયો હતો. જોકે તેણે તાત્કાલિક 108ને કોલ કરી યુવતીને સારવાર માટે સુરતની સિવિલ હોસ્પિટલ ખાતે લઇ ગયો હતો. ત્યાં ફરજ પરના તબીબ દ્વારા તેને મૃત ઘોષિત કરવામાં આવી હતી. યુવતીના મોત અંગે અનેક રહસ્યો ઘૂંટાઇ રહ્યા છે.
હોટલની રાત બની જિંદગીની આખરી રાત
સુરતના કતારગામ વિસ્તારમાં રહેતી યુવતી નવા વર્ષની ઉજવણી માટે પોતાના પ્રેમી પંકજ સાથે પીપલોદ વિસ્તારની એક હોટલમાં ઉજવણી કરવા માટે ગઇ હતી. યુવતી જે પ્રેમી સાથે ત્યાં પહોંચી હતી, તે પ્રેમી પારિવારિક સંબંધી હતો. પારિવારિક સંબંધી સાથે યુવતી હોટલમાં પહોંચી હતી, તેણે પંકજ સાથે રાત વિતાવી પરંતુ સવારે કે ઉઠી ન હતી. પંકજ દ્વારા અનેક પ્રયાસો છતાં પણ તેણી ઉઠી ન શકતા પંકજે પરિવારને જાણકારી આપી હતી. પરિવારને જાણકારી આપ્યા બાદ પંકજ યુવતીને લઇ હોસ્પિટલ પહોંચ્યો, ત્યાં ડોક્ટરે યુવતીને મૃત ઘોષિત કરી હતી.
પોસ્ટમોર્ટમ રિપોર્ટ બાદ ઉંચકાશે રહસ્ય પરથી પડદો
હાલ યુવતીના મોતને લઇને અનેક સવાલો ઉભા થઇ રહ્યા છે. ત્યારે આ યુવતી હેલ્થ પ્રોડક્ટના માર્કેટિંગનું કામ કરતી હતી. તનવી સાથે રાત્રિના સમયે એવું તો શું થયું કે તનવી સવારે ઉઠ જ ન શકી આવા અનેક સવાલો હાલ ઘેરાઇ રહ્યા છે ત્યારે તનવીના મૃતદેહને પોસ્ટમોર્ટમ કરાવવામાં આવ્યું છે સમગ્ર રહસ્ય પરથી પડદો પોસ્ટમોર્ટમના રિપોર્ટ બાદ થશે