હિમાચલમાં ભારે વરસાદને કારણે ભૂસ્ખલન, પૂર અને વાદળ ફટવાની ઘટનામાં 22ના મોત
આજે દક્ષિણ ઝારખંડ, છત્તીસગઢ, ઓડિશા અને ગોવામાં વરસાદની આગાહી
દેશના અનેક ભાગોમાં ભારે વરસાદ અને પૂરના કારણે જનજીવન અસ્તવ્યસ્ત છે. ભારે વરસાદ વચ્ચે પર્વતોમાં ભૂસ્ખલન અને વાદળ ફાટવાની ઘટનાઓ વધી છે. હિમાચલ પ્રદેશમાં ભારે તારાજી સર્જાઈ છે. સમાચાર એજન્સી એએનઆઈના જણાવ્યા અનુસાર, હિમાચલ પ્રદેશમાં છેલ્લા 24 કલાકમાં ભારે વરસાદને કારણે ભૂસ્ખલન, પૂર અને વાદળ ફાટવાની ઘટનાઓમાં ઓછામાં ઓછા 22 લોકોના મોત થયા છે જ્યારે 6 લોકો ગુમ થયા હોવાના અહેવાલ છે. હિમાચલ પ્રદેશમાં ભારે વરસાદને કારણે સૌથી વધુ નુકસાન મંડી, કાંગડા અને ચંબા જિલ્લામાં થયું છે. અનેક જગ્યાએ વાહન વ્યવહાર સંપૂર્ણપણે ખોરવાઈ ગયો છે.
હિમાચલ પ્રદેશ ડિઝાસ્ટર મેનેજમેન્ટ વિભાગના ડાયરેક્ટર સુદેશ કુમાર મોક્તાએ જણાવ્યું હતું કે, ભારે વરસાદને કારણે ભૂસ્ખલન, પૂર અને વાદળ ફાટવાની ઘટનાઓમાં મંડી, કાંગડા અને ચંબા જિલ્લાઓ સૌથી વધુ પ્રભાવિત થયા છે. તેમણે કહ્યું કે, છેલ્લા 24 કલાક દરમ્યાન રાજ્યમાં હવામાન સંબંધિત 36 ઘટનાઓ નોંધાઈ છે. તેમણે કહ્યું કે, મંડીમાં મનાલી-ચંદીગઢ નેશનલ હાઈવે અને શોગીમાં શિમલા-ચંદીગઢ હાઈવે સહિત 743 રસ્તાઓ પાણી ભરાવાને કારણે વાહનવ્યવહાર માટે બંધ કરી દેવામાં આવ્યા છે.
Himachal Pradesh | Tourists stuck in long jams as Mandi reels from heavy rains that have been lashing the district and the state for the past 36 hours. Roads continue to be blocked, water levels swelled, relief work on. pic.twitter.com/k2WRNsHcPY
દક્ષિણ ઝારખંડ, છત્તીસગઢ ઉપરાંત ઓડિશા, દક્ષિણ ઉત્તર પ્રદેશ, કોંકણ અને ગોવામાં ઘણી જગ્યાએ ભારે વરસાદ પડી શકે છે. આ ઉપરાંત પૂર્વ રાજસ્થાનમાં કેટલાક સ્થળોએ હળવાથી મધ્યમ વરસાદ સાથે ભારે વરસાદ પડી શકે છે. હવામાન વિભાગ વતી, પશ્ચિમ હિમાલય અને વિદર્ભમાં કેટલાક સ્થળોએ હળવાથી મધ્યમ વરસાદ સાથે હળવાથી મધ્યમ વરસાદની અપેક્ષા છે. ગંગાના પશ્ચિમ બંગાળ, આંદામાન અને નિકોબાર ટાપુઓ, કેરળ, તટીય કર્ણાટક, મધ્ય મહારાષ્ટ્ર અને બિહારના ભાગોમાં હળવાથી મધ્યમ વરસાદની અપેક્ષા છે. સિક્કિમના કેટલાક ભાગો, ઉત્તર પ્રદેશના બાકીના ભાગો, ગુજરાત, તમિલનાડુ, તટીય આંધ્ર પ્રદેશમાં હળવો વરસાદ શક્ય છે. આ સાથે દિલ્હી, પંજાબ અને હરિયાણામાં કેટલાક સ્થળોએ હળવો વરસાદ થવાની સંભાવના છે.
હિમાચલના મંડીમાં ભૂસ્ખલનને કારણે અનેક લોકોએ જીવ ગુમાવ્યા
હિમાચલના મંડીમાં ભૂસ્ખલનને કારણે અનેક લોકોએ જીવ ગુમાવ્યા હોવાનું સામે આવ્યુ છે. સ્થાનિક વહીવટી અધિકારીઓના જણાવ્યા અનુસાર, એકલા મંડી જિલ્લામાં પૂર અને ભૂસ્ખલનને કારણે 13 લોકોના મોત થયા હતા અને ઘણા લોકો ગુમ થયા હતા. ગોહર ડેવલપમેન્ટ બ્લોકના કશાન ગામમાં એનડીઆરએફ અને પોલીસ દ્વારા ચાર કલાકના લાંબા સર્ચ ઓપરેશન પછી એક પરિવારના આઠ સભ્યોના મૃતદેહ તેમના ઘરના કાટમાળમાંથી બહાર કાઢવામાં આવ્યા હતા.
#WATCH | Uttarakhand: Massive flow of water witnessed in Ganga river in Rishikesh due to incessant heavy rainfall in the state. Residential areas inundated in the vicinity of the river (20.08) pic.twitter.com/1Uh38HYbE7
ઉત્તરાખંડના તોતાઘાટીમાં ઋષિકેશ-બદ્રીનાથ હાઈવે, નાગનીમાં ઋષિકેશ-ગંગોત્રી હાઈવે અને નરેન્દ્રનગર-રાનીપોખરી મોટરવે ઘણી જગ્યાએ બ્લોક કરવામાં આવ્યો હતો. આ તરફ ટન નદીના કિનારે આવેલ પ્રસિદ્ધ શિવ મંદિર ટપકેશ્વર મહાદેવની ગુફાઓમાં પણ પાણી ભરાઈ ગયા હતા. આ સાથે પૌડી જિલ્લાના બિનક ગામમાં મકાન ધરાશાઇ થતાં 70 વર્ષીય દર્શની દેવીએ જીવ ગુમાવ્યો હતો. ડિઝાસ્ટર કંટ્રોલ રૂમે જણાવ્યું કે, ગામલોકોએ મહિલાનો મૃતદેહ બહાર કાઢ્યો છે. પૌરી જિલ્લાના લગભગ 13 ગામોમાં અતિશય વરસાદને કારણે વહીવટીતંત્રે તમામ આંગણવાડી કેન્દ્રો અને શાળાઓ બંધ કરી દીધી છે. દેહરાદૂન જિલ્લાના ભૈંસવાડ ગામમાં ભારે વરસાદને કારણે એક ઘર અને એક દુકાનને નુકસાન થયું છે, જ્યારે ત્રણ લોકો ઘાયલ થયા છે. પાંચ લોકો ગુમ છે.
Uttarakhand | River Ganga in spate in Rishikesh amid torrential downpour in the state (20.08) pic.twitter.com/Dqd1BlBk0x
ઉત્તરાખંડમાં ભારે વરસાદને કારણે લોકોની મુશ્કેલીમાં વધારો થયો છે. રાજ્યના વિવિધ ભાગોમાં વાદળ ફાટવાના કારણે ચાર લોકોના મોત થયા છે. જ્યારે 10 લોકો ગુમ હોવાનું કહેવાય છે. ટિહરી જિલ્લાના ગ્વાદ ગામમાં, મુશળધાર વરસાદે બે મકાનો ધરાશાઇ કરી દીધા, જેમાં સાત લોકો કાટમાળ નીચે દટાયા. ટિહરીના ડીએમ સૌરભ ગહરવારે જણાવ્યું કે, કાટમાળમાંથી બે મૃતદેહ બહાર કાઢવામાં આવ્યા છે. કોઠાર ગામમાં કાટમાળ નીચે દબાઈ જવાથી એક વૃદ્ધ મહિલાનું શ્વાસ રૂંધાવાથી મોત થયું હતું.
મધ્યપ્રદેશમાં પણ અનેક વિસ્તારોમાં પૂરની સ્થિતિ
આ તરફ મધ્યપ્રદેશના ઘણા જિલ્લાઓ ભારે વરસાદ અને પૂરથી પ્રભાવિત છે. આજે પણ અનેક જિલ્લાઓમાં ભારે વરસાદની સંભાવના છે. રવિવારથી ભોપાલ, રાયસેન, વિદિશા, સિહોર, રાજગઢ, ધાર, બરવાની, ખંડવા, ખરગોન, દેવાસ, અગર માલવા, શાજાપુર, અશોકનગર, ગુના, ગ્વાલિયર, દાતિયા, શિવપુર, ભિંડ, મોરેના, શિયોપુરકલાન, છિંદવાડા, જબલપુર, નરસિંહપુર, સે. છતરપુર, સાગર, ટીકમગઢ, દમોહ, નિવારી, બેતુલ, હરદા અને નર્મદાપુરમમાં સારા વરસાદની સંભાવના છે.