સલામ / એથ્લેટિક્સ ચેમ્પિયનશિપઃ 103 વર્ષનાં માન કૌરે કમાલ કરીઃ ચાર ગોલ્ડ જીત્યા

• એથ્લેટિક્સ ચેમ્પિયનશિપ
• 103 વર્ષનાં માન કૌરે કમાલ કરી 
• બે ગોલ્ડ મેડલ જીતીને પોતાનો જ રેકોર્ડ તોડ્યો 

માતા માન કૌરે 100, 200 મીટરમાં બે ગોલ્ડ, જ્વેલિન થ્રોમાં એક ગોલ્ડ, શોટપુટમાં ગોલ્ડ-એમ કુલ ચાર ગોલ્ડ મેડલ જીત્યા. માન કૌરના પુત્ર ગુરદેવસિંહે પણ 100, 200 મીટર દોડમાં બે સિલ્વર અને અરલે ટીમમાં ગોલ્ડ મેડલ જીતીને એક મહાન સિદ્ધિ હાંસલ કરી. માન કૌરના કોચ અને પુત્ર ગુરદેવસિંહે જણાવ્યું, ''એશિયા એથ્લેટિક્સ ચેમ્પિયનશિપમાં 35 વર્ષની ઉંમરથી વધુના 29 દેશના 2500 જેટલા કોમનવેલ્થ એશિયામાં રમેલા ખેલાડીઓએ ભાગ લીધો હતો. દોડમાં માતા માન કૌરે બે ગોલ્ડ મેડલ જીતીને પોતાના જ જૂના રેકોર્ડને તોડી નાખ્યો છે.''

અત્યાર સુધીમાં 90 જેટલા ગોલ્ડ મેડલ જીત્યા 

માન કૌરે એ ઉંમરે દોડવાનું શરૂ કર્યું હતું, જે ઉંમરે લોકોના ઘૂંટણ તેમનો સાથ છોડી દે છે. એથ્લેટિક્સ માન કૌરના પુત્ર ગુરદેવસિંહે જણાવ્યું, ''માતા માન કૌરે 93 વર્ષની ઉમરે દોડવાનું શરૂ કર્યું હતું. અત્યાર સુધીમાં તેઓ 90 જેટલા ગોલ્ડ મેડલ જીતી ચૂક્યા છે. 

છ વર્લ્ડ રેકોર્ડ પણ બનાવ્યા 

જ્વેલિન થ્રો અને શોટપુટમાં પણ જીત હાંસલ કરી છે. તેઓ છ વર્લ્ડ રેકોર્ડ પણ બનાવી ચૂક્યાં છે અને વિશ્વની 10 ફેમસ સિખ પ્રભાવશાળી મહિલાઓમાં પોતાનું નામ નોંધાવી ચૂક્યાં છે.''