નર્મદામાં ભારે વરસાદ વચ્ચે ઇતિહાસમાં પહેલી વાર કરજણ ડેમના 9 દરવાજા ખોલાયા, 2.10 લાખ ક્યુસેક પાણી છોડવામાં આવ્યું
રાજપીપળાના કરજણ ડેમમાંથી 2.10 લાખ ક્યુસેક પાણી છોડાયું
પાણી છોડાતા કાંઠા વિસ્તારોમાં પૂર
પૂરની સેલ્ફી લેતા યુવક-યુવતી પાણીમાં તણાયા
સ્થાનિક તંત્રએ શરૂ કરી બન્નેની શોધખોળ
રાજપીપળાના કરજણ ડેમમાંથી પાણી છોડાતા કાંઠા વિસ્તારોમાં પૂર આવ્યું છે. આ દરમિયાન ડેમના ધસમસતા પાણીના પ્રવાહ સાથે સેલ્ફી લેવાના ચક્કરમાં એક યુવક અને યુવતી તણાઈ જવા પામ્યા છે. જેની જાણ સ્થાનિક તંત્રને થતાં તાત્કાલિત શોઘખોળ હાથ ધરી હતી.
રાજપીપળાના કરજણ ડેમમાંથી પાણી છોડાતા યુવક-યુવતી પૂરમાં તણાયા
નર્મદા જિલ્લામાં ભારે વરસાદને લઇ રાજપીપળાના કરજણ ડેમમાંથી પાણી છોડવામાં આવ્યું છે. ડેમના 9 દરવાજા ખોલીને 2 લાખ ક્યુસેક પાણી છોડવામાં આવ્યું છે. જેને કારણે કાંઠા વિસ્તારોમાં પૂર આવ્યું છે. આ દરમિયાન સેલ્ફી લેવાયો પ્રયાસ કરનારા યુવક-યુવતી પૂરમાં તણાયા છે. જેથી સ્થાનિક તંત્રએ બન્નેની શોધખોળ શરૂ કરી છે.બીજી બાજુ ભારે વરસાદની વચ્ચે કરજણ ડેમમાંથી અચાનક પાણી છોડવામાં આવતા સ્મશાન પાસેના એક ખેતરમાં 12 વ્યક્તિ ફસાયા હતા. જેઓને NDRF અને SDRFની ટીમ બચાવી લેવામાં આવ્યા હતાં.
પાણી છોડાતા કાંઠા વિસ્તારોમાં પુરની સ્થિતિ
રાજ્યના હવામાન વિભાગ દ્વારા ગુજરાતના અનેક જિલ્લાઓમાં ભારે વરસાદની આગાહી કરવામાં આવી છે. જ્યારે સુરત, નવસારી, ડાંગ, તાપી, નર્મદા, વલસાડમાં અતિભારે વરસાદની આગાહી કરવામાં આવી છે. જેની વચ્ચે નર્મદા નદી ઘાતક બની રહી છે. કરજણ ડેમમાંથી પાણી છોડાતા નીચાણવાળા વિસ્તારો પાણીમાં સમાયા છે, જેથી એલર્ટ આપવામા આવ્યુ છે.
મંદિરનો ઓટલો અને નાનું મંદિર તૂટવાનો વીડિયો આવ્યો સામે
આ સાથે જ પૂરના કારણે કરજણ નદી પાસે આવેલ તડકેશ્વર મહાદેવ મંદિરમાં પાણી ઘૂસ્યા છે. જેને કારણે ઓટલો અને નાનું મંદિર નદીમાં ધરાશાયી થયું છે.મંદિરનો ઓટલો અને નાનું મંદિર તૂટવાનો વીડિયો સામે આવ્યો હતો.
ડેમમાંથી પાણી છોડાતા અનેક ગામોને અલર્ટ કરાયા
રાજપીપળા નજીક આવેલ કરજણ ડેમમાં 2 લાખ ક્યુસેકથી વધુ પાણીની આવક થતા ડેમના 9 દરવાજા ખોલવાની ફરજ પડી છે. ડેમમાંથી પાણી છોડાતા કરજણ નદી કાંઠાના રાજપીપળા શહેર, ભદામ, ભચરવાળા, હજરપરા, ધાનપોર અને ધમાણાચા સહિતના ગામોને સાવચેત કરવામાં આવ્યા છે.