21 વર્ષની લિલી જારેમ્બાએ નોકરીથી તંગ આવીને રિટાયરમેન્ટ લઈ લીધુ પરંતુ આજે તે 53 લાખથી પણ વધારેની આવક કરે છે.
21 વર્ષની ઉંમરે રિટાયર્ડ થઈ યુવતી
આ રીતે હવે કરે છે લાખોની કમાણી
જાણો શું છે સફાળતાનો મંત્ર
નોકરીની જરૂર દરેકને હોય છે પરંતુ દુનિયામાં ખૂબ ઓછા એવા લોકો હોય છે જે પોતાની નોકરીથી સંતુષ્ટ હોય છે. કોઈને નોકરીમાં કામની સમસ્યા હોય છે તો કોઈને બોસથી પરેશાની, તો કોઈને વર્ક કલ્ચર પસંદ નથી આવતું. એવામાં ઘણા એવા લોકો નોકરી છોડીને બિઝનેસની તરફ આગળ વધે છે. પરતું ત્યાં પણ આર્થિક સંપન્નતા જરૂરી છે.
આજે તમને એ જણાવવા જઈ રહ્યા છીએ એક એવી જ મહિલા વિશે જેણે જીવનમાં મોટુ રિસ્ક લિધુ અને ફક્ત 21 વર્ષની ઉંમરમાં જ નોકરી છોડીને રિટાયરમેન્ટ લઈ લીધી. પરંતુ, આજે તે દર મહિને લાખો રૂપિયાની કમાણી કરી રહી છે.
ફક્ત 21 વર્ષમાં લઈ લીધુ રિટાયરમેન્ટ
21 વર્ષની લિલી જારેમ્બા યુનિવર્સિટીનો અભ્યાસ છોડીને નોકરી કરવા લાગી હતી. પરંતુ લિલી પોતાના 10 કલાકની નોકરીથી ખૂબ જ ત્રસ્ત થઈ ગઈ હતી અને તેણે તે નોકરી છોડવાનો નિર્ણય કરી લીધો હતો. ફક્ત 21 વર્ષની ઉંમરમાં લિલીએ નોકરી તો છોડી દીધી પરંતુ આજે તે એક વર્ષમાં 53 લાખથી વધારેની કમાણી કરે છે.
રોકાણની યોગ્ય રીતથી મળી સફળતા
હકીકતે યુનિવર્સિટીથી નિકળ્યા બાદ લિલી 19 વર્ષની ઉંમરમાં એક સૂશી રેસ્ટોરન્ટમાં કામ કરવા લાગી હતી. જ્યાં તેની 10 કલાકની નોકરી હતી. તેને ત્યાં સાફ-સફાઈ કરવી પડતી હતી. આ વચ્ચે તેને ખબર પડી કે એક ફાઈનાન્શિયલ એજ્યુકેશન કંપની ઈન્વેસ્ટમેન્ટની રીતો શિખવાડી રહી છે અને પૈસાનો યોગ્ય ઉપયોગ કરવાનું જણાવી રહી છે.
લિલીએ તરત આ કોર્સને જોઈન કર્યો અને નોકરી કરતા કરતા રોકાણ વિશે જાણકારી લીધી. તેણે આ કંપનીમાંથી ઈન્વેસ્ટમેન્ટ વિશે જાણકારી મેળવ્યા બાદ નોકરી છોડી દીધી અને બે વર્ષ સુધી ખૂબ જ મહેનતથી કામ કર્યું અને પૈસાનું રોકાણ કરવાનું શરૂ કર્યું. જોકે આ વચ્ચે તેને અમુક મુશ્કેલીઓ પણ થઈ પરંતુ તેને વધારે પ્રોફિટ ન થયો.