લોકડાઉનના કારણે કારોબારની સાથે સરકારને મોટું આર્થિક નુકસાન સહન કરવું પડ્યું છે. એપ્રિલમાં 21 મોટા રાજ્યોને સંયુક્ત રૂપે 97100 કરોડ રૂપિયાનું નુકસાન થયું છે. ઈન્ડિયા રેટિંગ્સ અનુસાર કારોબાર અને અન્ય ગતિવિધિઓ સંપૂર્ણ રીતે ઠપ્પ થતાં આ નુકસાન થયું છે. તેનાથી કેન્દ્ર અને રાજ્ય બંને આર્થિક રીતે સંઘર્ષ કરી રહ્યા છે. કોરોનામાં ગુજરાતને પણ વધુ સમસ્યા થઈ છે. મહામારી સાથે તેઓ આર્થિક સંકટમાંથી પણ પસાર થઈ રહ્યા છે.
લોકડાઉનના કારણે કારોબારને મોટું નુકસાન
એપ્રિલમાં સરકારને સંયુક્ત રીતે થયું 97100 કરોડ રૂપિયાનું નુકસાન
રાજ્યોને મહામારીની સાથે આર્થિક સંકટ પણ વધારે
રિપોર્ટમાં કહેવામાં આવ્યું છે કે રાજ્યોને એપ્રિલમાં જીએસટીથી 26962 કરોડ, વેટથી 17895 કરોડ, એક્સાઈઝ ડ્યૂટીથી 13785 કરોડ, સ્ટેમ્પ અને રજિસ્ટ્રેશન ડ્યૂટીથી 11397 કરોડ, વાહન ટેક્સથી 6055 કરોડ, વીજળી પર ટેક્સ અને ડ્યૂટીથી 3464 કરોડ અને બિન ટેક્સ રાજકોષના રૂપમાં 17595 કરોડની કમાણી થવાની હતી જે નથી થઈ શકી. તેમાં કહેવાયું છે કે આવનારા અઠવાડિયામાં લોકડાઉન સંપૂર્ણ રીતે પૂરું થવા છચાં પણ અન્ય બે ત્રિમાસિક સુધી આર્થિક બાબતો સામાન્ય નહીં થઈ શકે.
ગુજરાતને સૌથી મોટો ફટકો
લોકડાઉનથી એ રાજ્યો વધારે પ્રભાવિત થઈ રહ્યા છે જેમની કુલ રાજસ્વમાં પોતાના સ્ત્રોતથી કમાણીની ભાગીદારી વધારે છે. ગોવા, ગુજરાત, હરિયાણા, કર્ણાટક, કેરળ, મહારાષ્ટ્ર, તમિલનાડુ અને તેલંગાણાની 65-76 ટકા કમાણી તેમના પોતાના સ્ત્રોતથી થઈ રહી છે. 76 ટકાની સાથે ગુજરાત સૌથી અગ્ર ક્રમે છે. તેને સૌથી વધુ નુકસાન થયું છે. તેલંગાણાને 75.6 ટકા, હરિયાણાને 74.7 ટકા, કર્ણાયકને 71.4 ટકા, તમિલનાડુને 70.4 ટકા, મહારાષ્ટ્રને 69.8 ટકા, કેરળને 69.6 ટકા અને ગોવાને 66.9 ટકા કમાણી પોતાના સ્ત્રોતથી થઈ રહી છે.