જોધપુરના એક પંચાયત ચૂંટણીમાં જે જોવા મળ્યું છે તે ઘટના વિશે જે કોઈ પણ સાંભળે છે તે ચોંકી જાય છે.
ચૂંટણીમાં પરાજિત ઉમેદવારે રાખી આભાર સભા
આભાર સભાથી ગ્રામજનો થઇ ગયા અભિભૂત
ગ્રામજનોએ સભામાં જ પરાજિત નેતાને કરી 21 લાખની મદદ
આવી ઘટના ક્યાંય નહીં જોઈ હોય
ચૂંટણીમાં હાર જીત નિશ્ચિત છે, જનતા ઘણીવાર નેતાને ખોબલે ખોબલે મત આપે છે તો કેટલીક વાર કેટલાક નેતાઓ પોતાની ડિપોઝીટ પણ બચાવી શકતા નથી. એવામાં ઘણીવાર ચૂંટણીમાં જીત બાદ આભાર સભા પણ તમે જોઈ હશે. પણ જોધપુરમાં પંચાયત ચૂંટણીમાં અનોખો મામલો સામે આવ્યો છે. અહિયાં ચૂંટણી હાર્યા છતાં નેતાએ આભાર સભા રાખી. મતદાતાઓ માટે ભોજન સભા પણ રાખવામાં આવી. આ બધું જોઈને ગ્રામીણ લોકો એટલા બધા અભિભૂત થઇ ગયા કે 21 લાખની મદદ કરી નાખી.
હાર બાદ પણ રાખી આભાર સભા
પીપાડ તાલુકામાં મુકુન્દ દેવાસી સુંદરી દેવી સામે 84 મતથી હારી ગયા હતા. મુકુન્દ દેવાસી ઘણા હતાશ થઇ ગયા પણ આટલા બધા મત માટે આભાર વ્યક્ત કરવા તે કંઈક કરવા માંગતી હતી અને તેથી ધન્યવાદ સભાનું આયોજન કરવામાં આવ્યું.
ગ્રામજનો થઇ ગયા અભિભૂતને કરી 21 લાખની મદદ
આ આભાર સભામાં મતદાતાઓ પરાજિત ઉમેદવાર માટે આર્થિક મદદની વાત કરવા લાગ્યા અને ત્યાં બેઠા બેઠા જ 21 લાખ રૂપિયા એકત્રિત કરવામાં આવ્યા. આ બધી જ રકમ તેને આપવામાં આવી.
લોકોએ હારેલા ઉમેદવારનું સન્માન પણ કર્યું
જાણકારી અનુસાર વર્તમાન સરપંચે 1 લાખ 11 હજાર જ્યારે પારિવારિક મિત્રએ તેમાં 5 લાખ 51 હજાર રૂપિયા આપ્યા હોવાનું સામે આવ્યું છે. ગામનાં ઘણા બધા લોકોએ આ રકમ ભેગી કરીને ઉમેદવારને આપી. આટલું જ નહીં પરાજિત થયેલ મુકુન્દ દેવીનું માલ્યાર્પણ પણ કરવામાં આવ્યું.