IPLIN
 

ઈવેન્ટ / 27 ઓગસ્ટે અમદાવાદમાં 21 કિ.મીની નાઇટ હાફ મેરેથોન, ગૃહ રાજ્યમંત્રી-પોલીસ કમિશનર સહિત 1 લાખ લોકો દોડશે

Team VTV 04:08 PM, 11 Aug 22 | Updated: 04:14 PM, 11 Aug 22
Follow us
21 km night half marathon will be held in Ahmedabad on August 27

27 ઓગસ્ટની રાત્રિએ અમદાવાદમાં પોલીસ દ્વારા 21 કિમીની નાઇટ હાફ મેરેથોનનું આયોજન કરાયું છે. જેમાં ગૃહ રાજ્યમંત્રી અને પોલીસ કમિશનર સહિતની હસ્તીઓ પણ સામેલ થશે.

  • 27 ઓગસ્ટે અમદાવાદમાં નાઈટ હાફ મેરેથોનનું આયોજન
  • 1 લાખ લોકો 21 કિ.મી.ની નાઇટ હાફ મેરેથોનમાં દોડશે
  • ગૃહ રાજ્યમંત્રી, પોલીસ કમિશનર પણ હાફ મેરેથોનમાં દોડશે

અમદાવાદમાં 27 ઓગસ્ટના રોજ આખી રાત લાખો રસ્તા પર ઉતરી આવશે. કારણ કે આ દિવસે રાત્રિના રોજ પોલીસ દ્વારા 21 કિમીની નાઈટ હાફ મેરેથોનનું આયોજન કરવામાં આવ્યું છે. જેમાં અંદાજે 1 લાખ લોકો આ હાફ મેરેથોનમાં સામેલ થશે.

રિવરફ્રન્ટ ઇવેન્ટ સેન્ટરથી સિંધુભવન રોડ સુધી હાફ મેરેથોન દોડ યોજાશે

જણાવી દઇએ કે, શહેરના રિવરફ્રન્ટ ઇવેન્ટ સેન્ટરથી સિંધુભવન રોડ સુધી હાફ મેરેથોન દોડ યોજાશે. આખી રાત એક લાખ યુવાનો શહેરમાં દોડ લગાવશે. 5 લાખથી વધુ લોકો મેરેથોન રનરનો ઉત્સાહ વધારશે. આ દોડમાં ગૃહ રાજ્યમંત્રી હર્ષ સંઘવી અને પોલીસ કમિશનર પણ દોડશે. એ સિવાય ઉદ્યોગપતિઓ અને જાણીતી હસ્તીઓ પણ મેરાથોનમાં ભાગ લેશે.

મેરેથોનના આયોજનનો ઉદ્દેશ્ય ડ્રગ્સની બદીની નાબૂદી

પોલીસે આ લોકો માટે ચુસ્ત બંદોબસ્તનું પણ આયોજન કર્યું છે. અમદાવાદ અને ગુજરાત પોલીસ આ ઈવેન્ટને અત્યાર સુધીના ઇતિહાસમાં ક્યારેય ન સર્જાનારી ભવ્યતા અપાવવા કમર કસી રહી છે. જેનું આયોજન ડ્રગ્સની બદીની નાબૂદી માટે થઈ રહ્યું છે. મેરેથોન દોડનો ઉદ્દેશ અમદાવાદના પરિવારો અને યુવાનોને ડ્રગ્સ સામે અવાજ ઉઠાવવાનો તેમજ હેલ્ધી લાઈફ સ્ટાઈલ જીવવા માટે મેસેજ આપવાનો છે.

મેરેથોનમાં પોલીસ કમિશનર અને ગૃહ રાજ્યમંત્રી સહિત હસ્તીઓ દોડશે

વધુમાં તમને જણાવી દઇએ કે, આ હાફ મેરેથોનમાં શહેર પોલીસ કમિશનર, ગૃહ રાજ્યમંત્રી હર્ષ સંઘવી સહિત તમામ સેલિબ્રિટી એક સરખી ટી-શર્ટ અને ટ્રેક પહેરીને દોડતા દેખાશે. મેરેથોનમાં બોલિવુડ તેમજ ઢોલિવુડના કલાકારો સ્ટેજ પર પરફોર્મ કરશે.

night half marathon નાઇટ હાફ મેરેથોન ગુજરાત પોલીસ અમદાવાદ પોલીસ ahmedabad riverfront
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ