Bihar / એક પછી એક 21 ગેસ સિલિન્ડરોમાં વિસ્ફોટ, ધણધણી ઉઠ્યું ભાગલપુર, જુઓ VIDEO

• ભાગલપુરમાં ગેસ સિલિન્ડર વિસ્ફોટ 
• એકસાથે 21 સિલિન્ડર ફાટ્યા 
• ગેરકાયદેસર સિલિન્ડર રિફિલિંગ કારણ હોવાનું અનુમાન 

ભાગલપુરનું નવગછિયાયા બજાર શુક્રવારે ગેસ સિલિન્ડરમાં વિસ્ફોટથી હચમચી ગયું હતું. એક પછી એક 21 સિલિન્ડરના વિસ્ફોટથી દૂર દૂર સુધી વિસ્તારમાં ખળભળાટ મચી ગયો હતો. આગમાં ઘણી વસ્તુઓ બળીને રાખ થઈ ગઈ હતી અને સમગ્ર વિસ્તારમાં અફરા-તફરીનો માહોલ સર્જાયો હતો. પાડોશીઓ ઘર છોડીને ભાગી ગયા હતા. 

પોલીસ પ્રશાસનની ટીમ અને ફાયર બ્રિગેડને ઘટનાસ્થળે બોલાવવામાં આવી છે. આગને કાબૂમાં લેવાના પ્રયાસો શરૂ કર્યા હતા. હાલ આગનું કારણ જાણી શકાયું નથી. બ્લાસ્ટ થવા પાછળનું કારણ ગેરકાયદેસર સિલિન્ડર રિફિલિંગ હોવાનું કહેવાય છે.

ભાગલપુરના નવગછિયા બજારમાં શુક્રવારે એક પછી એક ગેસ સિલિન્ડરોમાં વિસ્ફોટ થતાં આસપાસના વિસ્તારમાં ભયનો માહોલ છવાઈ ગયો હતો#Bihar #Cylinderblast pic.twitter.com/qtEV4A2gUE

— VTV Gujarati News and Beyond (@VtvGujarati) December 11, 2021

સ્થળ પરથી 63 સિલિન્ડર જપ્ત

આ ઘટનામાં આજુબાજુના મકાનોમાં પણ આગ લાગી હતી. ફાયર બ્રિગેડની ચાર ગાડીઓની મદદથી આગને કાબૂમાં લેવામાં આવી હતી. પોલીસે સ્થળ પરથી 63 સિલિન્ડર જપ્ત કર્યા છે. મકાનમાલિક પરિવાર સહિત ઘર છોડીને ભાગી ગયો છે. એસડીઓ યતેન્દ્ર કુમાર પાલે જણાવ્યું હતું કે મકાનમાલિક વિરુદ્ધ એફઆઈઆર નોંધ્યા બાદ તેની ધરપકડ કરવામાં આવશે. પોલીસ તપાસ કરી રહી છે કે તેની પાસે કોઈપણ લાયસન્સ વગર આટલા બધા સિલિન્ડર કેવી રીતે હતા.

રામચંદ્ર સાહના ઘરમાં રાખેલા સિલિન્ડરમાં વિસ્ફોટ

આસપાસના કેટલાક લોકોએ જણાવ્યું કે બપોરે લગભગ 1:15 વાગ્યે નોનિયાપટ્ટીમાં રામચંદ્ર સાહના ઘરમાં રાખેલા સિલિન્ડરમાં વિસ્ફોટ થતાં આસપાસના કેટલાય ઘરોમાં આગ લાગી હતી. જેમાં ઘરમાં રાખેલી વસ્તુઓ બળીને રાખ થઈ ગઈ હતી. આગ ઓલવતી વખતે રામચંદ્ર સાહનો ચહેરો પણ ખરાબ બાજુથી દાઝી ગયો હતો. વધુ બે લોકો દાઝી ગયા હોવાનું જાણવા મળેલ છે. ઘટના બાદ રામચંદ્ર પરિવાર અને બાળકો સાથે ઘરના જરૂરી કાગળો લઈને ફરાર થઈ ગયો છે. આગમાં તેના ઘરની દરેક વસ્તુ બળીને રાખ થઈ ગઈ હતી. લોકોએ જણાવ્યું કે ઘટના દરમિયાન નજીકમાં વહેતી નદીમાં ઘણા સિલિન્ડરો પણ ફેંકવામાં આવ્યા હતા.

વિસ્ફોટનો અવાજ વધતાં લોકોમાં ગભરાટ પણ વધી ગયો હતો. હાલ બે લોકો ઘાયલ થયાના અહેવાલ છે. ચાર ફાયર ટેન્ડરો દ્વારા આગ પર કાબુ મેળવવાના પ્રયાસો ચાલુ છે. એસડીઓ અને એસડીપીઓ સ્થળ પર કેમ્પ કરી રહ્યા છે. પોલીસે સ્થળ પરથી 63 ગેસ સિલિન્ડર પણ જપ્ત કર્યા છે. આ વિસ્તારમાં મોટી સંખ્યામાં પોલીસ જવાનો તૈનાત કરવામાં આવ્યા છે. આસપાસના લોકોના ઘરોને પણ નુકસાન થયું હોવાની ચર્ચા છે.