કુદરતી કેર / પાકિસ્તાનમાં ભીષણ બરફવર્ષા, ગાડીઓમાં ફસાયેલા 21 પ્રવાસીઓનું ઠંડીને કારણે દર્દનાક મોત

• પાકિસ્તાનમાં ભીષણ બરફવર્ષાએ તોડ્યો દાયકાનો રેકોર્ડ
• બરફવર્ષામાં ફસાતા કાર સવાર 21 પ્રવાસીઓના મોત
• 1000થી વધુ કાર હજુ પણ બરફમાં ફસાયેલી છે

પાકિસ્તાનમાં ભીષણ બરફવર્ષાએ 20 વર્ષનો રેકોર્ડ તોડ્યો છે. રિસોર્ટ શહેર મુરીમાં આખી રાત થયેલી બરફવર્ષાની વચ્ચે તાપમાન શુન્યથી આઠ ડિગ્રી નીચે જતું રહ્યું હતું. આ વિસ્તારમાં થયેલી ભીષણ બરફવર્ષાને કારણે ગાડીઓમાં ફસાયેલા ઓછામાં ઓછા 21 પ્રવાસીઓના મોત થયા છે. હજુ પણ આ વિસ્તારમાં 1000થી વધુ ગાડીઓ બરફમાં ફસાયેલી છે. પ્રધાનમંત્રી ઈમરાનખાને પણ પ્રવાસીઓના મોત પર દુખ વ્યક્ત કરીને તપાસના આદેશ આપ્યો છે. 

1) The heart-wrenching tragedy of more than 20 citizens freezing to death on the road to Murree is a direct result of criminal incompetence by federal, Punjab & KP govts. Shocking dereliction of duty & coordination. These deaths were avoidable #Murree (1/5)

— Fahd Husain (@Fahdhusain) January 8, 2022

9 બાળકો સહિત 21 લોકોના મોત 
પાકિસ્તાનના પંજાબ પ્રાંતના મુખ્ય પ્રધાન ઉસ્માન બુઝદારે બચાવ કાર્ય ઝડપી બનાવવા અને ફસાયેલા પ્રવાસીઓને મદદ પૂરી પાડવા સૂચનાઓ જારી કરી છે. રેસ્ક્યુ 1122 દ્વારા બહાર પાડવામાં આવેલી યાદી મુજબ અત્યાર સુધીમાં નવ બાળકો સહિત 21 લોકોના મોત થયા છે. પાકિસ્તાનના ગૃહમંત્રી શેખ રાશિદ અહેમદે કહ્યું છે કે 15થી 20 વર્ષમાં પહેલીવાર આટલી મોટી સંખ્યામાં પ્રવાસીઓ હિલ સ્ટેશન પર આવ્યા હતા, જેના કારણે મોટું સંકટ સર્જાયું હતું.

સેના પણ રાહત અને બચાવ કાર્યમાં લાગેલી છે
તેમણે કહ્યું કે રાવલપિંડી અને ઈસ્લામાબાદ વહીવટીતંત્ર ફસાયેલા લોકોને બચાવવા માટે પોલીસ સાથે કામ કરી રહ્યા છે, જ્યારે પાકિસ્તાન આર્મીની પાંચ પ્લાટુન, તેમજ રેન્જર્સ અને ફ્રન્ટિયર કોર્પ્સને કટોકટીના ધોરણે બોલાવવામાં આવ્યા હતા. તેણે એ વાતની પણ પુષ્ટિ કરી કે લગભગ 1000 કાર હજુ પણ હિલ સ્ટેશન પર ફસાયેલી છે. તેમણે એ પણ માહિતી આપી હતી કે મુરીના રહેવાસીઓએ ફસાયેલા પ્રવાસીઓને ખોરાક અને ધાબળા આપ્યા હતા.

Shocked & upset at tragic deaths of tourists on road to Murree. Unprecedented snowfall & rush of ppl proceeding without checking weather conditions caught district admin unprepared. Have ordered inquiry & putting in place strong regulation to ensure prevention of such tragedies.

— Imran Khan (@ImranKhanPTI) January 8, 2022

પ્રશાસને બોર્ડર સીલ કરી
પંજાબ રાજ્યના વહીવટીતંત્રે હિલ સ્ટેશન તરફ જવાના તમામ માર્ગો બંધ કરી દીધા છે. માત્ર ખોરાક અને ધાબળા વહન કરતા વાહનોને જ મંજૂરી આપવામાં આવી રહી છે. તેમણે દાવો કર્યો કે અમે આજે સાંજ સુધીમાં 1000 વાહનોને સુરક્ષિત રીતે બહાર કાઢી લઈશું. તેમણે કહ્યું કે અમે મુસાફરોને પગપાળા મુસાફરી કરતા પણ રોક્યા છે. જે લોકો પગપાળા મુસાફરી કરે છે તેમના માટે આ યોગ્ય સમય નથી. પાકિસ્તાનના હવામાન વિભાગે મુરી અને ગલિયાતમાં 6 થી 9 જાન્યુઆરી દરમિયાન ભારે હિમવર્ષા થવાની આગાહી કરી હતી.