તણાવની સ્થિતિ / ચીનની અવળચંડાઈ: નેન્સી પેલોસીના પ્રવાસથી ભડકેલા ડ્રેગનના 21 લડાકૂ વિમાન તાઈવાનના એર ડિફેન્સ ઝોનમાં ઘૂસ્યા

• અમેરિકી કોંગ્રેસના સ્પિકર નેન્સી પેલોસી તાઈવાન પહોંચતા ચીનને લાગ્યા મરચાં
• તણાવના માહોલ વચ્ચે ચીનના ફાઈટર પ્લેન તાઈવાનના ડિફેન્સ ઝોનમાં ઘૂસ્યા
• ચીને આપી હતી કેટલીય ધમકીઓ, પણ અમેરિકા સામે કામ ન લાગી એકેય ધમકી

અમેરિકી કોંગ્રેસના સ્પીકર નેન્સી પેલોસી તાઈવાન પહોંચતાની સાથે જ લગભગ 21 ચીની મિલિટ્રી પ્લેને તાઈવનના એર ડિફેન્સ ઝોનમાં ઘૂસણખોરી કરી છે. અમેરિકી નેતાના તાઈવાન પહોંચ્યા બાદ આ ચીનના પ્રથમ મોટી હરકત છે. ચીનના તાઈવાનમાં તેના પહોંચ્યા બાદ પહેલા પણ કેટલીય ધમકીઓ આપી હતી કે, તે પેલોસીના વિમાનને લેન્ડ થવા દેશે નહીં.

તાઈવાનના રક્ષામંત્રાલયે ટ્વિટર દ્વારા કહ્યું કે, 21 પીએલએ એરક્રાફ્ટ 2 ઓગસ્ટ 2022ના રોજ તાઈવાનના દક્ષિણ પશ્વિમ એર ડિફેન્સ આઈડેંટિફિકેશન ઝોનમાં ઘૂસ્યા છે. તો વળી ચીની મીડિયા રિપોર્ટ અનુસાર, નેન્સી પેલોસી તાઈવાન પહોંચ્યા બાદ તેમના રક્ષામંત્રાલય હાઈ એલર્ટ પર છે. એટલુ જ નહીં તે આ દરમિયાન તાઈવાન વિરુદ્ધ ટારગેટેડ મિલિટ્રી એક્શન લેશે.

આ અગાઉ નેન્સી પેલોસીએ તાઈવાનમાં લેન્ડ કર્યા બાદ પોતાના નિવેદનમાં કહ્યું કે, અમારુ કોંગ્રેસ પ્રતિનિધિમંડળની યાત્રા તાઈવાનના જીવંત લોકતંત્રનું સમર્થન કરી અમેરિકી કટિબદ્ધતા દેખાડે છે. અમારી યાત્રા સિંગાપુર, મલેશિયા, દક્ષિણ કોરિયા અને જાપાન સહિત ભારત-પ્રશાંતની વ્યાપક યાત્રાનો ભાગ છે. જે પારસ્પરકિ સુરક્ષા, આર્થિક ભાગીદારી અને લોકતાંત્રિક શાસન પર કેન્દ્રિત છે. તાઈવાનના નેતાઓની સાથે અમારી વાતચીત અમારી ભાગીદારી તાઈવાન માટે અમારા સમર્થનની પુષ્ટિ કરવા માટે એક સ્વતંત્ર તથા ખુલ્લા હિન્દ પ્રશાંત ક્ષેત્રને આગળ વધારવા સહિત આપણી ભાગીદારી વધારવા પર કેન્દ્રિત હશે. 

ચીનની ધમકી નકામી સાબિત થઈ

અમેરિકી કોંગ્રેસના સ્પિકર નેન્સી પેલોસી મંગળવારે ભારતીય સમયાનુસાર 8.15 કલાકે તાઈવાનની રાજધાની તાઈપેમાં લેન્ડ થયા હતા. અમેરિકી રક્ષામંત્રાલય તરફથી તેમને ક઼ડક સુરક્ષા વચ્ચે વાયુસેનાના વિમાન  C-40C SPAR19 દ્વારા તાઈવાન પહોંચ્યા હતા. તાઈવાનમાં તેમના પહોંચતા પહેલા ચીને કેટલીય ધમકીઓ આપી હતી કે, તે પેલોસીના વિમાનને લેન્ડ થવા દેશે નહીં.

ચીનની સેનાની જાહેરાત

નેન્સીની યાત્રાની વચ્ચે ચીનની સેના પીપુલ્સ લિબરેશન આર્મીએ એલાન કર્યુ હતું કે, ગુરુવારથી રવિવાર સુધી તાઈવાનની પાસે છ ક્ષેત્રોમાં લાઈવ ફાયર એક્સરસાઈઝ સહિત મહત્વપૂર્ણ સૈન્ય અભ્યાસ અને પ્રશિક્ષણ કરશે. ચીને આ એલાન એવા સમય પર કર્યું હતું જ્યારે પેલોસી તાઈપેમાં હતા.