દેશના અનેક ભાગમાં આજે વરસાદની શક્યતા જોવા મળી રહી છે. હવામાન વિભાગના અનુસાર ઓરિસ્સા, છત્તીસગઢ, પ. બંગાળ, ઝારખંડ, દ. રાજસ્થાન, વિદર્ભ અને તેલંગાણામાં સામાન્યથી ભારે વરસાદની શક્યતા છે.
વરસાદને લઈને હવામાન વિભાગની આગાહી
આજે દેશના અનેક ભાગમાં પડી શકે છે વરસાદ
મુંબઈ સહિત આ જગ્યાઓએ ભારે વરસાદનું અનુમાન
IMDના અનુમાન અનુસાર આજે દેશના અનેક ભાગમાં વરસાદની શક્યતા છે. હવામાન વિભાગના અનુસાર ઓરિસ્સા, છત્તીસગઢ, પ. બંગાળ, ઝારખંડ, દ. રાજસ્થાન, વિદર્ભ અને તેલંગાણામાં સામાન્યથી ભારે વરસાદની શક્યતા છે. આ સાથે હિમાલયી પ.બંગાળ,સિક્કિમ, બિહાર, ઉત્તરપ્રદેશ, ઉત્તરાખંડ, ગુજરાત, કોંકણ અને ગોવા, અંડમાન અને નિકોબાર સમૂહ, ઉત્તરી તટીય આંધ્રપ્રદેશ અને પૂર્વોત્તરમાં સામાન્ય વરસાદની શક્યતા છે. IMDએ રવિવારે કહ્યું કે પૂર્વી રાજસ્થાન અને તેની પાસેના પ.મધ્યભાગમાં નિમ્ન દબાણનું ક્ષેત્ર છે.
જાણો કઈ તારીખોમાં ક્યાં રહેશે વરસાદ
હવામાન વિભાગના અનુસાર મોનસૂન ટ્રફનો પશ્ચિમ ભાગ સામાન્ય સ્થિતિના દક્ષિણમાં છે. આ સાથે પૂર્વી તરફની સ્થિતિ સામાન્ય છે. આવનારા 4-5 દિવસોમાં ગુજરાત, રાજસ્થાન અને મધ્યપ્રદેશમાં સામાન્ય વરસાદનું અનુમાન છે. 20 સપ્ટેમ્બરના રોજ પૂર્વી રાજસ્થાનના અલગ અલગ ભાગમાં વરસાદની શક્યતા છે, આ સાથે 20-21 સપ્ટેમ્બરે ગુજરાતમાં અને 22-23ના રોજ સૌરાષ્ટ્ર્ અને કચ્છમાં વરસાદની શક્યતા છે. 20-23 સપ્ટેમ્બરે ઉત્તરાખંડમાં અલગ અલગ જગ્યાઓએ વરસાદની શક્યતા છે. આજે ઓરિસ્સા અને પ.બંગાળમાં ભારે વરસાદની શક્યતા છે.
દિલ્હીમાં રહેશે વાદળછાયું વાતાવરણ
આ પહેલા દિલ્હીમાં રવિવારે વધારે તાપમાન 34.4 ડિગ્રી સેલ્સિયસ નોંધાયું હતું. અહીં ન્યૂનતમ તાપમાન 26 ડિગ્રી રહ્યું, જે સામાન્યથી એક ડિગ્રી વધારે હતું. સાંજે 5 વાગ્યાની આસપાસ અને અહીં 67 ટકા ભેજ જોવા મળ્યો હતો. આ સાથે આજે અહીં વાદળછાયું વાતાવરણ રહેવાની શકયતા છે. અહીં વધારે તાપમાન 35 ડિગ્રી છે અને ન્યૂનતમ 27 ડિગ્રી છે. શનિવારે દિલ્હીમાં તાપમાન 34.4 ડિગ્રી રહેવાની શક્યતા છે.
મુંબઈ, વિદર્ભમાં ભારે વરસાદની શક્યતા
આઈએમડીના અનુસાર સોમવારથી મહારાષ્ટ્રના વિદર્ભ અને મુંબઈમાં ભારે વરસાદની સ્થિતિનું અનુમાન છે. વરિષ્ઠ વૈજ્ઞાનિકના અનુસાર બંગાળની ખાડીની ઉપર એક ચક્રાવાતી સ્થિતિ સર્જાઈ રહી છે. જેમ જેમ આ સ્થિતિ વધશે, મહારાષ્ટ્રમાં વરસાદની સ્થિતિ વધશે. તેઓએ કહ્યું કે વિદર્ભમાં વધારે વરસાદ રહેશે. આ સિવાય પૂર્વોત્તરથી પશ્ચિમ સુધીના રાજ્યો ઉત્તરી ભાગને કવર કરશે. કેટલાક સ્થાનોએ વધારે વરસાદ થઈ શકે છે. તેઓએ કહ્યું કે મહારાષ્ટ્રના પાલઘર, ઠાણે અને મુંબઈના તટીય વિસ્તારોમાં વરસાદ થશે.