Russia Ukraine War / યુદ્ધનાં વીસમાં દિવસે યુકેનનાં ચાર શહેરો પર હવાઈ હુમલા, મારીયુપોલમાં 2500 નાગરિકોના મોતનો દાવો

• રશિયા-યુક્રેનમાં યુદ્ધ વચ્ચે વધુ એકવાર વાતચીત
• આજે વીડિયો કોન્ફરન્સથી થશે બન્ને દેશ વચ્ચે વાતચીત
• અત્યાર સુધી ચાર તબક્કાની થઈ ચૂકી છે વાતચીત
   

રશિયા-યુક્રેનમાં યુદ્ધ વચ્ચે વધુ એકવાર વાતચીત થશે. આજે યુદ્ધનો 20 મો દિવસ છે.અત્યાર સુધી ચાર તબક્કાની વાતચીત થઈ ચૂકી છે છતાં યુદ્ધ વિરામ થઈ શક્યો નથી. 

સોશિયલ મીડિયા પ્લેટફોર્મ પર નિયંત્રણ

હુમલા પહેલા જ રશિયાના રાષ્ટ્રપતિ વ્લાદિમીર પુતિને દેશમાં સોશિયલ મીડિયા પ્લેટફોર્મ અને અન્ય એપ્સની ઍક્સેસને મર્યાદિત કરવા માટે કામ શરૂ કર્યું હતું અને હવે અવાજને દબાવવા માટે નવા નિયંત્રણો લાદવામાં આવી રહ્યા છે.

પશ્ચિમી દેશોની સોશિયલ મીડિયા કંપનીઓના કામને બંધ કરવાનો ફાયદો પણ પુતિનને આડકતરી રીતે મળી રહ્યો છે. રશિયન ઇન્વેસ્ટીગેટિવ જર્નલિસ્ટ આન્દ્રે સોલાટોવે ચેતવણી આપી હતી કે પશ્ચિમી ટેક્નોલોજી કંપનીઓ કરતાં રશિયા સાથેના સંબંધો તોડવાથી પુતિનને વધુ ફાયદો થશે.

ચાર શહેરો પર ઘાતક બોમ્બમારો 

રશિયન સેનાએ યુક્રેનની રાજધાની કિવ અને અન્ય મોટા શહેરોને કબજે કરવા માટે બોમ્બ ધડાકા તેજ કર્યા છે. સોમવારે, ત્રણ શહેરો માયકોલેવ, ખાર્કિવ અને રિવને પર પણ હવાઈ હુમલા કરવામાં આવ્યા હતા. ઉત્તરી શહેર ચેર્નિહિવ પર આખી રાત હવાઈ હુમલાઓ ચાલુ રહ્યા.

બીજી તરફ બંને દેશો વચ્ચેની વાતચીતનો ચોથો રાઉન્ડ પણ પૂર્ણ થઈ ગયો છે. જો કે, તેના પરિણામ વિશે માહિતી આપવામાં આવી નથી. યુક્રેનના રાષ્ટ્રપતિ વોલોડિમિર ઝેલેન્સકીના સલાહકાર મિખાઇલો પોડોલ્યાકે વીડિયો લિંક દ્વારા વાટાઘાટોની તસવીર ટ્વિટ કરી હતી.

માર્યુપોલ: 2500 નાગરિકો માર્યા ગયા
યુક્રેનનો દાવો છે કે મારીયુપોલમાં રશિયાએ અત્યાર સુધીમાં 2500થી વધુ નાગરિકોની હત્યા કરી છે. સંયુક્ત રાષ્ટ્રના જણાવ્યા અનુસાર આ લડાઈમાં 596 નાગરિકો માર્યા ગયા હતા.
રશિયાએ દાવો કર્યો છે કે તેની સેના મેરીયુપોલની ઉત્તરે પાંચ વધુ શહેરોમાં પહોંચી છે. જ્યારે યુક્રેનની બેલેસ્ટિક મિસાઈલથી ડોનીસ્કમાં 20 નાગરિકોના મોત થયા હતા.

વિશ્વના શ્રેષ્ઠ કાર્ગો વિમાનો બનાવટી ફેક્ટરી પર હુમલો 
વાટાઘાટોમાં, યુક્રેને શાંતિ, યુદ્ધવિરામ, રશિયન દળોની તાત્કાલિક પીછેહઠ અને નાગરિક સુરક્ષાની બાંયધરી માટેની માંગણીઓ ઉઠાવી હતી, એમ તેમણે જણાવ્યું હતું. ઝેલેન્સકીએ પોતે કહ્યું, મંત્રણાના પરિણામો ટૂંક સમયમાં જાહેર કરવામાં આવશે. તે જ સમયે, યુક્રેનના અધિકારીઓએ કહ્યું હતું કે કિવની બહારના વિસ્તારમાં પણ બંને સેનાઓ વચ્ચે યુદ્ધ ચાલી રહ્યું છે. રશિયન સેનાએ કિવના ઉપનગરો પર આર્ટિલરી શેલ છોડ્યા છે. યુક્રેનની સૌથી મોટી એરક્રાફ્ટ મેન્યુફેક્ચરિંગ ફેક્ટરી પર થયેલા હવાઈ હુમલામાં બે લોકો માર્યા ગયા અને સાત ઘાયલ થયા. એન્ટોનોવ સ્થિત આ ફેક્ટરીમાં વિશ્વના શ્રેષ્ઠ કાર્ગો વિમાનો બનાવવામાં આવે છે.