રહો મસ્ત / મહામારી વચ્ચે 2022નું આગમન, અપનાવો આ 10 હેલ્ધી આદતો, ક્યારેય નહીં પડો બીમાર

• બિમારીઓથી દૂર રહેવાની સૌથી સારી દવા હેલ્ધી લાઈફસ્ટાઈલ
• નવા વર્ષમાં આ સારી આદતો અપનાવશો તો રહેશો ફાયદામાં
• તંદુરસ્ત રહેવા માટે આહાર પર ધ્યાન કેન્દ્રીત કરવુ અત્યંત જરૂરી

એવામાં નવા વર્ષમાં જો તમે દરરોજ કેટલીક આદતોને સામેલ કરો છો તો બિમારીઓ તમારી આજુબાજુમાં ભટકશે નહીં.

આ રીતે કરો દિવસની શરૂઆત 

મોડા સુધી ઉંઘવુ એ એક ખરાબ આદત છે, તેથી સવારે વહેલા ઉઠવાની આદત પાડો. હેલ્થને સારું રાખવા માટે દિવસની શરૂઆત કોઈ ફળથી કરો. દિવસમાં દરરોજ  ઓછામાં ઓછા બે પ્રકારના ફળ ફરજીયાત ખાવો. 21 દિવસમાં આ તમારી આદત બની જશે.

આખા દિવસની ડાયટ

બ્રેકફાસ્ટ લંચ અને ડિનરને લઇને ફરજીયાત પ્લાન બનાવો. બ્રેકફાસ્ટ અને લંચમાં હેવી ડાઈટ લઇ શકો છો. પરંતુ રાત્રે સરળતાથી પાચન થાય તેવો આહાર ગ્રહણ કરો. પોતાના ડાયટમાં શરીર માટે જરૂરી પ્રોટીન, કેલ્શિયમ અને ફાઈબર જેવા પોષકતત્વવાળા ફૂડ સામેલ કરો.

સારી વસ્તુ ખાવાનો આગ્રહ રાખો

ફ્રેશ, સીઝનલ અને ઘરમાં બનાવેલુ ખાવાનુ સૌથી વધારે પૌષ્ટિક હોય છે. તેથી સિઝનના હિસાબથી ખાવાની વસ્તુઓ પસંદ કરો. તાજી વસ્તુઓ ખાવાનુ પસંદ કરો. ઘરમાં બનેલી ખાવાની આદત તમને ભયંકર બિમારીઓથી દૂર રાખી શકે છે. લીલા પાંદડાવાળી શાકભાજીમાં ભરપૂર માત્રામાં એન્ટી-ઓક્સિડેન્ટ્સ, ન્યૂટ્રીએન્ટ્સ, વિટામિન, જિન્ક હોય છે. જે આપણને તંદુરસ્ત રાખવાની સાથે  ઈમ્યુનિટી પણ સારી બનાવે છે.

સર્વિગ સાઈઝ

ખાવાની સર્વિગ સાઈઝ શરીરનું એક્ટિવિટી લેવલ, ઉંમર, સેક્સ અને આરોગ્યની સ્થિતિ પર નિર્ભર કરે છે. એક સારું ફૂડ આરોગ્યને ફાયદો ત્યારે જ આપે છે, જ્યારે તેની સર્વિગ ક્વોન્ટીટી સારી હોય. 

તંદુરસ્ત મગજ

માણસને તંદુરસ્ત રહેવા માટે તેના મગજની સ્થિતિ સૌથી મહત્વપૂર્ણ માનવામાં આવે છે. તેથી મગજને સારું રાખવા માટે અમુક વાતોનુ વિશેષ ધ્યાન રાખો. ફરજીયાત 6-8 કલાકની પૂરતી ઉંઘ લો. આ તમારા બ્રેન ફંકશનને સારું રાખશે અને સ્ટ્રેસ અને એન્ઝાઈટીથી બચાવશે. સારી બુક વાંચો, સંગીત સાંભળો અને સમય કાઢી ફરવાનુ પ્લાનિંગ કરો.

પાણી વધુ પીવો

પાણી તંદુરસ્ત જીવનશૈલી માટેનો મુખ્ય ભાગ છે. એક રિપોર્ટ મુજબ, એક પુરૂષને દરરોજ લગભગ 3.7 લીટર પાણી પીવુ જોઈએ. જ્યારે મહિલાઓએ આખા દિવસમાં લગભગ 2.7 લીટર પાણી પીવાની ટેવ રાખવી જોઈએ. પાણી ફક્ત આપણા શરીરમાંથી ઝેરી પદાર્થોને બહાર કાઢવાનુ કામ રકે છે, પરંતુ બૉડીને હાઈડ્રેટ પણ રાખે છે.

વર્કઆઉટ

તમારે દરરોજ કસરત કરવાની ટેવ પાડવી જોઈએ. જેના માટે જીમ અથવા ફિટનેસ સેન્ટર જવુ જરૂરી નથી. તમે ઘરમાં જ ઘણાં પ્રકારની કસરત કરીને ફીટ રહી શકો છો. તમારે અઠવાડિયામાં ઓછામાં ઓછા 5 દિવસ કસરત કરવી જોઈએ. દરરોજ લગભગ 45 મિનિટ વર્કઆઉટ કરીને તમે તંદુરસ્ત રહી શકો છો.

ફાસ્ટ ફૂડ

બહારનુ તળેલુ, મસાલાવાળું અને ચટપટ્ટુ ખાવુ છોડી દેવુ વધુ સારુ રહેશે. હાઈશુગર અથવા હાઈ સોડિયમ ફૂડથી દૂર રહો. વધુ તળેલી અને શેકેલી વસ્તુઓથી દૂર રહો.

સારી સંગત

અવાર-નવાર કહેવામાં આવે છે કે સંગતની આપણા સ્વાસ્થ્ય પર વધુ અસર દેખાય છે. તેથી એવા લોકો સાથે વધુમાં વધુ સમય વિતાવો જેઓ પોતાની ફિટનેસને લઇને ખૂબ ગંભીર રહે છે. જેનો સાથ મળતા તમારી જીવનશૈલીમાં સારા ફેરફાર થઇ શકે છે.

હેન્ડ વોશ

બેકટેરીયા મોટાભાગે હાથ દ્વારા પેટમાં જાય છે. જે ઘણી મોટી બિમારીઓને આમંત્રણ આપી શકે છે. તેથી તંદુરસ્ત રહેવા માટે તમારે હાથને સ્વચ્છ રાખવા અત્યંત જરૂરી છે. તેથી ખાતા પહેલાં અને ખાધા પછી હાથ આવશ્ય ધોવો. આ ટેવથી ઘણી બિમારીઓથી દૂર રહેશો.