રાજસ્થાનના જેસલમેરમાં વિશ્વવિખ્યાત ડેઝર્ટ ફેસ્ટિવલ 25-27 ફેબ્રુઆરી સુધી આયોજિત કરવાની મળી મંજૂરી.
જેસલમેર ડેઝર્ટ ફેસ્ટિવલ થશે શરૂ
25-27 ફેબ્રુઆરીના સમયે યોજાશે ફેસ્ટિવલ
ટિકિટ બુકિંગ પહેલાં જાણો ખાસ નિયમો
જ્યારે કોરોના ચરમસીમાએ હતો ત્યારે એક પછી એક આયોજનો અને તહેવારને સરકારે રદ્દ કર્યા હતા. આ સમયે જેસલમેરનો વિશ્વ વિખ્યાત મરુ મહોત્સવ પણ રદ્દ કરાયો હતો. આ મહોત્સવ આ વર્ષે 25-27 ફેબ્રુઆરીએ યોજાવવાનો હતો. 2021માં કોરોનાની અસર ખતમ થવા આવી છે અને વેક્સીનેશન પણ શરૂ થયું છે ત્યારે પણ મરુ મહોત્સવની પરમિશન આપવામાં આવી નથી.
ક્લેક્ટરે આપ્યા છે ખાસ આદેશ
ડેઝર્ટ ફેસ્ટિવલના આયોજનમાં વર્તમાનમાં કોરોના મહામારીનો ખતરો વધી રહ્યો છે પરંતુ જિલ્લા કલેક્ટર આશીષ મોદી અને વિધાયક રૂપારામ ધનદેવના આયોજનને માટે મોકલાયેલા પ્રસ્તાવ બાદ રાજ્ય સરકારે તેના આયોજનની મંજૂરી આપી છે. આ આયોજનની મંજૂરી હાલમાં મળી હોવાના કારણે સમય પણ ઓછો છે માટે યુદ્ધના ધોરણે તેની તૈયારીઓ શરૂ કરાઈ રહી છે. કોવિડની ગાઈડલાઈનને ધ્યાનમાં રાખીને આ ફેસ્ટિવલનું આયોજન કરવામાં આવશે તેમ પણ તંત્રએ જણાવ્યું છે.
આવી છે તૈયારીઓ
મરુ મેળાના સંદર્ભમાં જેસલમેર શહેરને સાફ સુથરું અને સુંદર બનાવવાની તૈયારીઓ શરૂ કરવામાં આવી છે. આ સિવાય સૌંદર્યીકરણની કાર્ય પણ શરૂ કરવામાં આવી રહ્યા છે. મેળાના સ્થળે આવનારા આંગંતુકોના પ્રવેશ માટે માસ્ક અને સેનેટાઈઝરનો ઉપયોગ પણ કરાશે અને તેની તૈયારીઓ પણ શરૂ કરાઈ છે. જો કે મરુ મેળાના આયોજનની સ્વીકૃતિ મળ્યા બાદ જેસલમેરના પર્યટન વ્યવસાયમાં પણ આનંદની લહેર છવાઈ છે. તેના આયોજનથી નક્કી જેસલમેરના પર્યટન વ્યવસાયમાં વધારો થવાની શક્યતા છે.
જ્યારે મેળો રદ્દ થયો ત્યારે કોરોના ચરમ સીમાએ હતો, હવે પ્રચાર બન્યો મુશ્કેલ
પ્રશાસન અને પર્યટન વ્યવસાયીઓ આ સંબંધમાં પ્રસ્તાવ બનાવીને મોકલી રહ્યા છે. જો પરમિશન મળશે તો હવે આ મેળાને શરૂ કરવામાં ફક્ત 20 દિવસ બાકી છે. દેશમાં આ આયોજનનો પ્રચાર અને પ્રસાર કરવાનું મુશ્કેલ બન્યું છે. જો કે ઓનલાઈન પ્રચારના આધારે અને સાથે મોટા શહેરોમાં અનેક સાઈન બોર્ડ લગાવીને પ્રચાર કરી શકાય છે.
ફ્લાઈટ સંચાલનમાં પણ સુવિધા રહેશે
મરુ મહોત્સવને લઈને પર્યટકોના આવવાની શક્યતા છે. એવામાં પર્યટન કારોબારી પોતાના દમ પર સ્પાઈસ જેટની વિમાન સેવા શરૂ કરાવી રહ્યા છે તેને પણ લાભ થશે અને નુકસાનની ભરપાઈ પર્યટન કારોબારીઓને કરવી પડશે નહીં. લગભગ 8-10 દિવસ સુધી દરેક ફ્લાઈટ બંને તરફથી ફૂલ ચાલી શકે છે.