મારુતિ સુઝુકી ઇન્ડિયાએ WagonRનું BS-6 માન્ય એન્જિન સાથે CNG વેરિઅન્ટ લોન્ચ કરી દીધું છે. જેની કિંમત દિલ્હીમાં 5.32 લાખ રૂપિયા છે. કંપનીએ આ કારને ફક્ત એક ટ્રીમ LXIમાં ઉપલબ્ધ કરાવી છે અને બીએસ 6 એન્જિન સાથે એસ-સીએનજી ટેકનોલોજીનું આ ત્રીજું મોડેલ છે.
મારુતિ સુઝુકી ઇન્ડિયાએ WagonRનું CNG વેરિઅન્ટ લોન્ચ કર્યું
WagonR S-CNG મારુતિ સુઝુકીનું ત્રીજું BS-6 માન્ય મોડેલ છે
WagonR S-CNGમાં 1.0 લિટર 3 સિલિન્ડર પેટ્રોલ એન્જિન મળે છે
અગાઉ આ ટેક્નિક અલ્ટો 800 અને અર્ટિગો એમપીવીમાં ઉપલબ્ધ કરાઈ છે. આ 2020ના ઓટો એક્સ્પોમાં જાહેર કરાયેલા કંપનીના મિશન ગ્રીન મિલિયન પ્રોગ્રામનો એક ભાગ છે. જે અંતર્ગત મારૂતિએ 10 લાખ ગ્રીન વ્હીકલ વેચવાનો પ્લાન બનાવ્યો છે. તેમાં માઈલ્ડ હાઈબ્રિડ, સ્ટ્રોન્ગ હાઈબ્રિડ, ઈલેક્ટ્રિક વાહન અને CNG કાર સામેલ છે.
બીએસ 6 એન્જિનવાળા વેગનઆર એસ-સીએનજી વેરિએન્ટના લોન્ચિંગ વિશે વાત કરતા મારૂતિ સુઝુકી ઇન્ડિયાના વેચાણ અને માર્કેટિંગના એક્ઝિક્યુટિવ ડિરેક્ટર શશાંક શ્રીવાસ્તવે જણાવ્યું કે, 'મારુતિ સુઝુકી હંમેશા ગ્રાહકોને ભરોસાપાત્ર વાહન ઉપલબ્ધ કરાવવા માગે છે. મિશન ગ્રીન મિલિયનની જાહેરાત કરતી વખતે, અમે દેશમાં ગ્રીન ગતિશીલતા માટેના અમારા વચન માટે એક પગલું આગળ વધાર્યું છે.
થર્ડ જનરેશન વેગનઆર ખૂબ જ સફળ કાર છે અને 24 લાખ ગ્રાહકો સાથે આ આઇકોનિક બ્રાન્ડની સફર પર આગળ વધી રહી છે. પર્ફોમન્સ અને લુકની દ્રષ્ટિએ નવું ફેટ્રી ફીટ એસ-સીએનજી વેરિઅન્ટ, પરફેક્ટ બેલેન્સ, હાઈ ફ્યૂલ એફિશિયન્સી, વધુ સારી સલામતી પ્રદાન કરે છે.
મારુતિ સુઝુકી વેગનઆરના સીએનજી મોડેલમાં 1.0 લિટરના ત્રણ સિલિન્ડર પેટ્રોલ એન્જિન છે. જે સીએનજી મોડમાં 58 બીએચપી પાવર અને પેટ્રોલ મોડમાં 81 બીએચપી પાવર જનરેટ કરે છે, જ્યારે સીએનજી મોડમાં કાર એન્જિન 78 એનએમ ટોર્ક અને પેટ્રોલ મોડ છે. 113 એનએમ પીક ટોર્ક જનરેટ કરે છે. કારનું સીએનજી વેરિઅન્ટ સામાન્ય રીતે 5-સ્પીડ મેન્યુઅલ ગિયરબોક્સ સાથે આવે છે. મારુતિ સુઝુકીના સીએનજી વાહનોને ડ્યુઅલ ઇન્ટર ડિપેન્ડન્ટ ઇસીયુ અને ઈન્ટેલિજેન્ટ ઇંજેક્શન સિસ્ટમ આપવામાં આવી છે જે કારને બેસ્ટ પર્ફોમન્સ અને ડ્રાઇવેબિલિટી આપે છે.