દક્ષિયા કોરિયા નિર્માતા કંપની હ્યૂન્ડાઈ ભારતમાં આવતીકાલે એટલે કે 14 જુલાઈએ તેની બહુપ્રતિક્ષિત કાર 2020 હ્યૂન્ડાઈ ટક્સનનું ફેસલિફ્ટ મોડલ ભારતી બજારમાં લોન્ચ કરવા જઈ રહી છે. આ એસયૂવીને સૌથી પહેલાં 2020 ઓટો એક્સ્પોમાં રજૂ કરવામાં આવી હતી. આ કાર એપ્રિલમાં લોન્ચ કરવાની હતી પરંતુ કોરોનાને કારણે પોસ્ટપોન કરવામાં આવ્યું.
હ્યૂન્ડાઈ ટક્સન ફેસલિફ્ટ મોડલ કાલે થશે લોન્ચ
જોરદાર ફીચર્સ અને શાનદાર લુક જોઈ લેવાનું થઈ જશે મન
હ્યૂન્ડાઈ ટક્સન ફેસલિફ્ટમાં જોવા મળશે આ બદલાવ
સ્ટાઈલિંગના ફેરફારોની વાત કરીએ તો આ કારમાં નવા એલઈડી હેડલેમ્પ્સ, નવા બંપર, રિ-ડિઝાઈન કરેલાં ટેલ-ગેટ, ફ્રેશ એલઈડી ટેલ લેમ્પ અને નવા સ્ટાઈલનું એલોય મળશે. સાથે જ કેબિનમાં સ્માર્ટફોન કનેક્ટિવિટી અને એક ટચસ્ક્રીન ઈન્ફોટેનમેન્ટ સિસ્ટમ મળશે. આમાં રિવાઈઝડ એક્સટીરિયર અને અપગ્રેટેડ ઈન્ટીરિયર મળશે. હ્યૂડાઈ ડીલર્સ પાસે તમે 25000 ટોકન એમાઉન્ટમાં આ કારની પ્રી-બુકિંગ કરાવી શકો છો. આ કારની કિંમત 20 લાખ સુધી હોવાનું મનાઈ રહ્યું છે.
ફીચર્સ
આ એસયૂવીમાં 360 ડિગ્રી કેમેરા, નવી ફ્રી-સ્ટેન્ડિંગ 8 ઇંચની ટચસ્ક્રીન ઇન્ફોટેનમેન્ટ સિસ્ટમ આપવામાં આવી છે. ઇન્ફોટેનમેન્ટ સિસ્ટમ હ્યુન્ડાઇની બ્લુલિંક કનેક્ટેડ કાર ટેક્નોલોજી સાથે આવે છે. નવી Tusconમાં વાયરલેસ સ્માર્ટફોન ચાર્જર, પેનોરમિક સનરૂફ અને ઈલેક્ટ્રિક ફ્રંટ પેસેન્જર સીટ એડજસ્ટમેન્ટ જેવા ફીચર્સ મળશે.
એન્જિન ક્ષમતા
2020 હ્યુન્ડાઇની Tuscon ફેસલિફ્ટમાં પેટ્રોલ અને ડીઝલ બંને એન્જિન ઓપ્શન મળશે. તેમાં 2.0 લિટરનું 4 સિલિન્ડર પેટ્રોલ એન્જિન આપવામાં આવ્યું છે, જે 150hp પાવર અને 192Nm ટોર્ક જનરેટ કરે છે. ડીઝલ મોડેલમાં 2.0 લિટરનું 4 સિલિન્ડર ટર્બો ડીઝલ એન્જિન આપવામાં આવ્યું છે, જે 182hp પાવર અને 400Nm ટોર્ક જનરેટ કરે છે. પેટ્રોલ એન્જિન સાથે અગાઉનું 6 સ્પીડ ઓટોમેટિક ગિયરબોક્સ મળશે, જ્યારે ડીઝલ એન્જિન સાથે નવું 8 સ્પીડ ઓટોમેટિક ગિયરબોક્સ આપવામાં આવ્યું છે. હ્યુન્ડાઇ Tuscon ફેસસિફ્ટની માર્કેટમાં ટક્કર જીપ કંપસ અને હોન્ડા CR-V સાથે થશે. અપડેટેડ મોડેલની કિંમતમાં વધારો થવાની શક્યતા છે.