જાપાની વાહન નિર્માણ કંપની હોન્ડા ભારતમાં આ વર્ષે તેની સૌથી લોકપ્રિય સિડાન કારની પાંચમી જનરેશન ભારતમાં લોન્ચ કરવા જઈ રહી છે. કંપનીએ આ કારની હાલમાં જ ટીઝર ઈમેજ રજૂ કરી છે. રિપોર્ટ મુજબ 2020 Honda City સિડાન કારને 16 માર્ચે ઓફિશિયલી વેચાણ માટે લોન્ચ કરવામાં આવશે.
હોન્ડા લાવી રહી છે તેની સૌથી લોકપ્રિય સિડાન કાર
આટલી કિંમતમાં મળશે આ શાનદાર કાર
કંપનીએ આ કાર ગયા વર્ષે થાઈલેન્ડમાં વર્લ્ડ પ્રીમિયરમાં રજૂ કરી હતી. જેનાથી અંદાજો લગાવી શકાય છે કે, ભારતમાં લોન્ચ થનારી આ કારનો લુક થાઈલેન્ડમાં રજૂ થયેલા મોડલ જેવો જ હશે. નવી કારના ઈન્ટીરિયરમાં ડ્યુઅલ ટોન શેડ્સ અને ફોક્સ બ્રશ એલ્યુમીનિયમ ટ્રિમ આપવામાં આવશે. જે આ કારને વધુ પ્રીમિયમ લુક આપશે. આ સાથે જ તેની સીટમાં લાઈટ રંગનો ઉપયોગ કરવામાં આવશે.
આવા છે ફીચર્સ
તમને જણાવી દઈએ કે, વર્ષ 2020 હોન્ડા સિટીની ટોપ સ્પેક ZXમાં સનરૂફ, 16 ઈંચના એલોય વ્હીલ અને ફુલ એલઈડી હેડલેમ્પ્સ આપવામાં આવ્યા છે. જ્યારે 2020 હોન્ડા સિટી મિડસાઈઝ સિડાનમાં BS6 કમ્પલાયન્ટ 1.5 લીટર ડીઝર અને પેટ્રોલ એન્જિન મળશે. જેમાં તેની 1.5 લીટર પેટ્રોલ યૂનિટને કંપનીએ નવી માઈલ્ડ હાઈબ્રિડ ટેક્નિક સાથે રજૂ કરી છે. નોંધનીય છે કે, આ જ ટેક્નિકનો ઉપયોગ હાલમાં જ નવી Jazzમાં પણ કરવામાં આવી છે.
આટલી હશે કિંમત
2020 Honda City વર્તમાન મોડલ કરતાં 113 એમએમ લાંબી અને 53 એમએમ પહોળી હશે. જ્યારે નવા મોડલનું વ્હીલબેસ 11એમએમ સુધી હોવાની આશા છે. ભારતમાં લોન્ચ થયા બાદ નવી હોન્ડા સિટીની ટક્કર BS6 કમ્પલાયન્ટ મારૂતિ સુઝુકી રિયાઝ અને ટોયોટા સાથે થશે. કિંમતની વાત કરીએ તો આ કારને કંપની 10 લાખ રૂપિયાથી અંદરની રેન્જમાં લોન્ચ કરશે.