ન્યૂ દિલ્હીઃ લક્ઝરી કાર નિર્માતા કંપની Mercedes Benzએ પોતાની શાનદાર 4-ડોર કૂપે CLS થર્ડ જનરેશન કાર ભારતીય બજારમાં લોન્ચ કરી છે. કંપનીએ નવી Mercedes-Benz CLSની ભારતમાં એક્સ શો રૂમની કિંમત 84.70 લાખ રૂપિયા રાખી છે. જો કે હાલમાં આનું એક માત્ર વેરિયંટ Mercedes-Benz CLS 300d ઉપલબ્ધ રહેશે.
નવી મર્સિડીઝ-બેંઝ સીએલએસ 300ડીમાં થોડાંક મહીના પહેલા જ લોન્ચ કરવામાં આવેલ ફેસલિફ્ટેડ સી 300ડી સિડૈનવાળું 2.0 લીટર એન્જીન આપવામાં આવેલ છે. આ એન્જીન 245PSની પાવર અને 500Nm ટોર્કને જનરેટ કરે છે. આમાં 9-સ્પીડ ઓટો ટ્રાન્સમિશન આપવામાં આવેલ છે. કંપનીનો એવો દાવો છે કે આ કાર 6.4 સેકન્ડમાં જ 0થી 100 કિ.મીનાં પ્રતિ કલાકની ઝડપ પકડી લે છે. આની ટોપ સ્પીડ 250 કિ.મી પ્રતિ કલાક છે.
નવી CLS કાર ઇ-ક્લાસ પ્લેટફોર્મ પર આધારિત છે અને આની લંબાઇ પહોળાઇ અને ઉંચાઇ વધારે છે. નવી કારમાં પણ સ્ટાઇલિશ રૂફ લાઇન અને ફ્રેમલેસ ડોર આપવામાં આવેલ છે. જૂની જનરેશનની તુલનામાં નવી સીએલએલ ઓછી ભારે દેખાય છે. કારનું ઇન્ટીરિયર ખૂબ જ શાનદાર છે.
નવી મર્સિડીઝમાં 12.3ની ઇન્ફોટેનમેન્ટ સિસ્ટમ આપવામાં આવેલ છે કે જે એપલ કાર પ્લે અને એન્ડ્રોઇડ ઓટો સપોર્ટની સાથે આવે છે. કારમાં સનરૂફની સુવિધા ઉપલબ્ધ છે. આમાં 13-સ્પીકર બર્મેસ્ટર ઓડિયો સિસ્ટમ એર બોડી કન્ટ્રોલ એર સસ્પેંશન 18-ઇંચ અલોય વીલ્ઝ અને મલ્ટીબીમ એલઇડી હેડલાઇટ્સ આપવામાં આવેલ છે.