ગાંધીનગરઃ ભાજપે લોકસભાની ચૂંટણીની તૈયારીઓ શરૂ કરી દીધી છે. ત્યારે આજે પ્રદેશ પ્રમુખ જીતુ વાઘાણીના અધ્યક્ષતામાં પ્રદેશ ભાજપની પાર્લામેન્ટરી બોર્ડની બેઠક મળશે. પાર્લામેન્ટરી બોર્ડની બેઠકનો આજે બીજો દિવસ છે. તાલુકા પંચાયતમાં પ્રમુખ ઉપ પ્રમુખની નિમણૂક બાબતે ચર્ચા થશે. બપોર બાદ પ્રદેશ કોર ગ્રુપની બેઠક મળશે.
આ બેઠકમાં લોકસભાની ચૂંટણીને લઇને ચર્ચા કરવામાં આવશે. 85 તાલુકા પંચાયતના પદાધિકારીઓની ચર્ચા વિચારણા થશે. મુખ્યમંત્રી વિજય રૂપાણી નાયબ મુખ્યમંત્રી નીતિન પટેલ પરષોત્તમ રૂપાલા અને પ્રદેશ મહામંત્રીઓ પણ હાજર રહેશે.
ઉલ્લેખનીય છે કે લોકસભાની ચુટણી આવતા ભાજપ દ્વારા તૈયારીઓ હાથ ધરવામાં આવી છે. ખાસ કરીને જે રીતે તાલુકા અને નગરપાલિકામાં અમુક જિલ્લામાં ભાજપ સતા ગુમાવી રહ્યુ છે તે એક ચિંતાનો વિષય છે. ગઇકાલે કાર્યાલય ખાતે પ્રદેશ ભાજપની પાર્લામેન્ટરી બોર્ડની અને જિલ્લા સંકલન સમિતિની બેઠકો મળી હતી. બે દિવસ માટે પ્રદેશ ભાજપની પાર્લિયામેન્ટરી બોર્ડની કમલમ્ ખાતે બેઠક યોજાશે.
બેઠકમાં તાલુકા પંચાયતના પદાધિકારીઓની નિયુક્તિ અંગે થશે ચર્ચા કરવામાં આવી હતી. આ બેઠકમાં પ્રદેશ પ્રમુખ જીતુ વાધાણી અધ્યક્ષતામા યોજાઈ હતી. જેમાં બેઠકમાં કેન્દ્રીય મંત્રી પરશોતમ રૂપાલા અને રાજ્યસરકારના મત્રીઓ હાજર રહ્યા હતા. સાથે જ જે તે જીલ્લાના સંસદ સભ્યો અને ધારાસભ્યો પણ રહ્યાં હાજર. આ બેઠકમાં આજે 11 જિલ્લાના 38 તાલુકા પંચાયત બેઠકમાં નામની ચર્ચા કરવામાં આવી હતી. ત્યાર બાદ યોગ્ય નામોની પસંદગી પછી મેન્ડેટ પણ આપવામાં આવશે.