ઓસ્ટ્રેલિયાના પૂર્વ બેટ્સમેન માઇક હસીને લાગે છે કે, મહેન્દ્ર સિંહ ધોનીની બહુ વધારે નબળાઇઓ નથી અને જો છે તે પણ ચેન્નાઇ સુપર કિંગ્સનો આ બેટિંગ કોચ ઓસ્ટ્રેલિયમ ટીમ સાથે શૅર નહી કરે. ટીમ ઇન્ડિયા અને ઓસ્ટ્રેલિયા વચ્ચે રવિવારે વર્લ્ડકપમાં મેચ રમાશે.
ઓસ્ટ્રેલિયાની ટીમે અફધાનિસ્તાનને હરાવ્યા ફછી વેસ્ટ ઇન્ડિઝનને પણ માત આપીને બીજી જીત દાખલ કરી છે. માનવામાં આવી રહ્યુ છે, સતત 2 જીત પછી ધ ઑવલમાં ટીમ ઇન્ડિયા વિરુદ્ઘ રમાયેલી મેચમાં ઓસ્ટ્રેલિયાની ટીમ પડકાર આપી શકે છે. માઇક હસી ચેન્નાઇ સુપર કિંગ્સની ટીમમાં ધોનીની સાથે રમતો હતો અને પછી ટીમની સાથે કોચ તરીકે જોડાયો, એવામાં તેમણે ફ્રેન્ચાઇઝી અને ધોનીને નજીકથી જોયા છે.
જ્યારે હસીને પૂછવામાં આવ્યુ કે, તેઓ ઓસ્ટ્રેલિયાની ટીમની સાથે ધોનીને લઇને કંઇ કહેશે, ત્યારે પૂર્વ બેટ્સમેને કહ્યુ કે, ''કોઇ સંભાવના નથી, આમ પણ ધોનીમાં વધારે નબળાઇ નથી.'' જોક માઇક હસીને ભરોસો છો કે, ઓસ્ટ્રેલિયાની પાસે ટીમ ઇન્ડિયાના પૂર્વ કેપ્ટન માટેની યોજના હશે.
તેમણે આગળ કહ્યુ,'' આજના સમયમાં તમામ ટીમો તમામ ખિલાડીઓ પર ધ્યાન રાખીને વિશ્લેષણ કરે છે, આ માટે મને વિશ્વાસ છે કે, ટીમ પાસે ધોની અને તમામ ભારતીય ખિલાડીઓ માટે યોજના હશે.''
ધોની આવતા મહિને 38 વર્ષનો થઇ જશે અને હસીને જ્યારે તેની રમત વિશે પૂછવામાં આવ્યુ તો કહ્યુ કે, ''દિગ્ગજ બેટ્સમેનને પોતાના મજબૂત પક્ષ વિશે ખબર છે. તે મહાન ખિલાડી છે અને દબાણની પરિસ્થિતિમાં તે કોઇ અન્ય ખિલાડીથી ચડિયાતો છે. તે ખૂબ જ ચતુર ખિલાડી છે અને જોખમનું આંકલન કરતો રહે છે. તેને પોતાની તાકાત વિશે ખબર છે અને તે જે રીતે રમે છે.''
છેલ્લા થોડા સમયથી ધોનીની સ્ટ્રાઇક રેટમાં ઘટાડો આવ્યુ છે પરંતુ માઇક હસીને તેમાં કંઇ ખોટુ નથી લાગતુ. વર્લ્ડ કપ 2007ની વિજેતા ટીમના સભ્ય રહેલા હસીએ કહ્યુ કે, ''ધોની ન માત્ર પરિસ્થિતિ અનુસાર રમે છે પણ ઈનિંગ્સની શરૂઆત પોતાને થોડો સમય આપવાનું પસંદ કરે છે. ધોનીને ઇનિંગ્સના અંતમાં વધારે જવાબદારી લેવાનું પસંદ છે.''
હસીને લાગે છે કે, ધોનીની હાજરી અને રમતને છેલ્લે સુધી લઈ જવાની ક્ષમતા વિરોધીઓને રાહતનો શ્વાસ લેવા દેતી નથી. છેલ્લા કેટલાક સમયમાં જોવા મળ્યું છે કે, ધોનીને પેટ કમિન્સ, કગિસો રબાડા અને જોફ્રા આર્ચર (IPLમાં) જેવા સારા બોલર્સ વિરુદ્ધ શૉટ રમવામાં થોડી તકલીફ થઇ છે. પણ, હસીએ કહ્યુ કે, ''આ કોઇ મોટી વાત નથી. '' ‘મિસ્ટર ક્રિકેટ’ના નામથી જાણીતા આ બેટ્સમેને કહ્યું, ''ધોનીને ખબર હોય છે કે કયો બોલર કેવો છે અને ટીમે કોની વિરુદ્ઘમાં આક્રમક અભિગમને અપનાવવો જોઇએ.''
જોકે માઇક હસીના અનુસાર ટીમ ઇન્ડિયામાં ધોની સિવાય જસપ્રિત બુમરાહ અને હાર્દિક પંડ્યા મેચ બદલી શકે છે. જસપ્રિત બુમરાહ ટીમની કોઇ પણ પરિસ્થિતિમાં શાનદાર બૉલિંગ કરે છે, જ્યારે હાર્દિક પંડ્યા બેટિંગ ક્રમમાં ક્યાંય યૂઝ કરી શકાય છે તેને ઇનિંગ્સની અંતિમ ઓવર્સમાં પાવર હિટર તરીકે યૂઝ કરી શકાય છે.