આજથી ત્રણ વર્ષ પહેલા જયારે ટીમ ઈન્ડિયાને 25 રનની જરૂર હતી ત્યારે એમએસ ધોની ક્રિઝ પર હતો. પરંતુ માર્ટિન ગુપ્ટિલના સીધા થ્રોએ બધું જ બદલી નાખ્યું હતું.
વર્લ્ડ કપ 2019ની સેમીફાઈનલને આજે ત્રણ વર્ષ વીત્યા
લોકોએ ભારત અને ન્યુઝીલેન્ડ વચ્ચેની મેચને યાદ કરી
ધોનીના રન આઉટના લીધે પરિણામ બદલાઈ ગયું હતું
ભારત અને ન્યુઝીલેન્ડ સેમીફાઈનલ
વર્લ્ડ કપ 2019ની સેમીફાઈનલ મેચ. ભારત સામે ન્યુઝીલેન્ડ. ટીમ ઇન્ડિયાને ફાઇનલમાં પહોંચવા માટે 10 બોલમાં 25 રનની જરૂર હતી. મહેન્દ્ર સિંહ ધોની સ્ટ્રાઈક પર હતો અને બધાને આશા હતી કે માહીનો ચમત્કાર કામ કરશે અને ટીમ ઈન્ડિયા જીતશે. પરંતુ 49મી ઓવરનો ત્રીજો બોલ એમએસ ધોનીના અંગૂઠા સાથે અથડાઈને લેગ સાઈડ તરફ ગયો હતો. માર્ટિન ગુપ્ટિલને બોલ હાથમાં આવ્યો, મહેન્દ્રસિંહ ધોની બીજો રન લેવા માટે દોડ્યો અને સીધો હીટ સ્ટમ્પ પર વાગ્યો.
બેટ ક્રીઝથી માત્ર બે ઇંચ દૂર રહ્યું
એમએસ ધોનીએ ડાઇવ લગાવી નહોતી, બેટ ક્રીઝથી માત્ર બે ઇંચ દૂર હતું. મહેન્દ્ર સિંહ ધોની રન આઉટ થયો હતો અને આ સાથે કરોડો લોકોની આશાઓ પર પાણી ફરી વળ્યું હતું. ન્યૂઝીલેન્ડે સેમીફાઇનલ મેચ જીતીને ફાઇનલમાં પ્રવેશ કર્યો હતો.
મહેન્દ્ર સિંહ ધોનીની અંતિમ આંતરરાષ્ટ્રીય મેચ
10 જુલાઈ 2019ના રોજ રમાયેલી આ મેચ મહેન્દ્ર સિંહ ધોનીની આંતરરાષ્ટ્રીય કારકિર્દીની આખરી મેચ સાબિત થઈ હતી. ભારતના મહાન કેપ્ટન, જે શ્રેષ્ઠ ખેલાડીઓમાંના એક છે, તેઓ કોઈ પણ મોટી વિદાય લીધા વિના આ રીતે રવાના થયા હતા.
#OnThisDay in 2019, Rohit Sharma's golden run went in vain, Virat Kohli's only CWC as captain ended, and MS Dhoni played the last time for India.
આજે ત્રણ વર્ષ વીત્યા
વર્લ્ડ કપની સેમિ ફાઈનલની આ આશાને ત્રણ વર્ષ થઈ ગયા છે અને હવે ચાહકોને આ પળ ફરી યાદ આવી રહી છે. સવારથી જ સોશિયલ મીડિયા પર અલગ અલગ પ્રકારની પ્રતિક્રિયાઓ આવી રહી છે. જ્યાં ફેન્સ આ પળને મિસ કરી રહ્યા છે.
On This Day 3 Years Ago , The Black Day In ICT Happened 🤕
The Only Game After Which I Cried 💔
The Dream Of Winning World Cup Has Been Shattered Badly ☹️
ટીમ ઈન્ડિયાનો ટોપ ઓર્ડર ફ્લોપ રહ્યો હતો
આ મેચમાં ન્યૂઝીલેન્ડે પહેલા બેટિંગ કરતા 239 રન બનાવ્યા હતા. ન્યૂઝીલેન્ડ માટે રોસ ટેલરે 74 રન અને કેન વિલિયમસને 67 રન બનાવ્યા હતા. જવાબમાં ટીમ ઈન્ડિયાનો ટોપ ઓર્ડર સાવ ફ્લોપ સાબિત થયો હતો, જેના કારણે હારનો સામનો કરવો પડ્યો હતો.
લોકોને ધોની પર આશા હતી
રોહિત શર્મા, કેએલ રાહુલ અને વિરાટ કોહલી 1-1 રન જ બનાવી શક્યા હતા. દિનેશ કાર્તિક, ઋષભ પંત અને હાર્દિક પંડ્યા પણ કોઇ કમાલ કરી શક્યા ન હતા. અંતે મહેન્દ્રસિંહ ધોની (50) અને રવિન્દ્ર જાડેજા (77)ની રનની ઈનિંગે થોડી આશા જગાવી હતી, પરંતુ જ્યારે ધોની આઉટ થયો ત્યારે જાણે કે બધુ જ ખતમ થઈ ગયું હોય