માર્કેટમાં ફરી એન્ટ્રી કરશે Bajaj Chetak એક્ટિવાને આપશે ટક્કર

Bajaj ઓટો દેશના સૌથી લોકપ્રિય સ્કૂટર Honda Activaને ટક્કર આપવાના મૂડમાં છે. મીડિયા રિપોર્ટ પ્રમાણે Bajaj Chetak સ્કૂટર ભારતના રસ્તાઓ પર ફરીથી જોવા મળશે. 2019માં આ સ્કૂટર લોન્ચ થઈ શકે છે. જણાવી દઈએ કે Bajaj Chetak સ્કૂટર 1972થી 2006 સુધી રાજ કરતું હતું. પરંતુ તેને અપડેટ ન કરવામાં આવતા વેચાણ ઘટ્યું અને બાદમાં કંપનીએ તેનું ઉત્પાદન બંધ કરી દીધું.

Bajaj Chetak સ્કૂટરનું નામ મહારાણા પ્રતાપ સિંહના ઘોડા ચેતકના નામ પરથી રાખવામાં આવ્યું હતું. અફોર્ડેબલ પ્રાઈસ રેન્જમાં આવતા આ ટોપ ક્વોલિટી સ્કૂટરને પ્રેમથી ‘હમારા બજાજ’ કહેવામાં આવતું હતું. એક ઓનલાઈન ઓટો વેબસાઈટ પર Bajaj Chetak સ્કૂટરની ઈમેજ લીક થઈ છે. દાવો છે આ નવા ચેતકની પેટંટ ઈમેજ છે. રિપોર્ટ પ્રમાણે નવા Bajaj Chetak સ્કૂટરની કિંમત 70 000 રૂપિયા હોઈ શકે છે. આ સાથે જ Chetakનું ઈલેક્ટ્રિક વર્ઝન પણ ભારતીય બજારમાં લોન્ચ થઈ શકે છે. આનું નામ Chetak Chic રાખવામાં આવી શકે છે.

Bajaj Auto ક્યારેક સ્કૂટર સેગમેન્ટમાં બાદશાહ કંપની હતી. આ સેગમેન્ટમાં તેનો 50% થી પણ વધારે માર્કેટ શેર હતો. પરંતુ આજે એવું નથી. આજે Bajaj સ્કૂટરનું માર્કેટ સેગમેન્ટ 15 % છે. ઓટો વિશેષજ્ઞોનું માનીએ તો 2009માં ચેતક સ્કૂટરને બંધ કર્યા બાદ બજાજ પાછળ પડી ગયું. 

2019નાBajaj Chetakનો નવો અવતાર પ્રીમિયમ હોઈ શકે છે. આ સ્કૂટરનો મુકાબલો હોન્ડા એક્ટિવા વેસ્પા અને Aprilia SR150ના ટોપ વેરિયંન્ટ સાથે થઈ શકે છે. જે ફોટોઝ વાયરલ થયા છે તેના પરથી કહી શકાય કે Bajaj Chetakનું નવુ વર્ઝન યૂનિસેક્સ સ્કૂટર છે.  આમાં આરામદાયક રાઈડિંગ પોઝિશન અંડર સીટ સ્ટોરેજ અપરાઈડ હેંડલબાર વાઈડ ફૂટ પેગ્સ અને બ્લૂટૂથ કનેક્ટિવિટીવાળું ઓલ ડિજિટલ કંસોલ આપવામાં આવશે. 

રિપોર્ટમાં દાવો કરવામાં આવ્યો છે કે નવા Bajaj Chetakમાં ચાર્જિંગ પોઈંટ સીબીએસ બ્રેક્સ મોટો ફ્યૂઅલ ટેંક અને ઓવલ શેપ્ડ હેડલેમ્પ્સ હશે. પ્રીમિયમ અપીલ માટે ક્રોમનો ઉપયોગ કરવામાં આવશે. Bajaj Chetakના નવા મોડલમાં 125 સીસી એર કૂલ્ડ એન્જિન આપાવામાં આવી શકે છે. આ એન્જિન 9-10 bhp પાવર અને 9 Nm ટોર્ક જનરેટ કરી શકે છે. સસ્પેંશન માટે સિંગલ આર્મ ફ્રંટ સસ્પેંશન અને રિયર મોનોશોક અપાશે.