Nissan Indiaએ ભારતમાં પોતાની લોકપ્રિય હેચબેક Micraનું નવુ 2018 વર્ઝન લોન્ચ કરી દીધું છે. આ સાથે જ આ નવા વર્ઝનની Micra Active ને પણ લોન્ચ કરવામાં આવી છે. Micra Activeની શરૂઆતી કિંમત 5.03 લાખ રૂપિયાથી 5.98 લાખ રૂપિયા સુધીની છે ત્યારે જ Micraના અપડેટેડ 2018 વર્ઝનની કિંમત 6.20 લાખ રૂપિયાથી 7.90 લાખ રૂપિયા સુધી છે. જાણો New Micraમાં થયેલી અપડેટ્સ વિશે....
Nissanએ નવી Micraમાં ડ્યૂલ ફ્રંટ એરબેગ્સ રિયર પાર્કિંગ સેન્સર સીટ બેલ્ટ વૉર્નિંગ અને સ્પીડ વૉર્નિગ ડિવાઇસ વગેરે નવા ફિચર્સ ઉમેર્યા છે.
સ્ટાઇલ અને ડિઝાઇનમાં કોઇ બદલાવ કરવામાં આવ્યુ નથી. માત્ર બહારના મિરર્સ પર ટર્ન ઇન્ડિકેટર્સને જોડવામાં આવ્યા છે. આ નવી Nissan Micraના પેટ્રોલ-CVT વર્ઝનમાં રિયર સ્પૉઇલર પણ આપવામાં આવ્યુ છે.
Micra XV અને Micra Active XV (ટોપ સ્પેક ટ્રિમ્સ)માં હવે 6.2 ઈંચ ટચસ્ક્રીનની મિરરલિંકવાળી ઈન્ફોટેનમેન્ટ સિસ્ટમ મળશે. આ સિસ્ટમ પહેલા માઈક્રાના લિમિટેડ ફેશન એડિશન મોડલમાં જ મળતું હતું.
Micra XV ટ્રિમમાં રિયરવ્યૂ કેમેરા પણ છે જેમાં NissanConnect ફિચર અવેલેબલ છે.
નવી Nissan Micraમાં પણ 1.2 લિટર પેટ્રોલ એન્જિન હશે જે 76 BHP પાવર અને 104 ન્યૂટન મીટર ટોર્ક જનરેટ કરશે. આ સાથે જ 1.5 લીટર ડિઝલ એન્જિનનો ઓપશન મળશે. આ એન્જિન 64 BHP નો પાવર અને 160 ન્યૂટન મીટર ટોર્ક જનરેટ કરશે. ડિઝલ મોડલમાં 5 સ્પીડ મેન્યુઅલ ગીયર બોક્સ હશે તો પેટ્રોલ મોડલમાં Nissanનો X-Tronic CVT ટ્રાંસમિશન હશે.
અપડેટેડ Micraના ટક્કર Maruti Suzuki Swift Hyundai Grand i10 અને Ford Figo જેવી કારની સાથે થશે.
વેરિયન્ટ પ્રમાણે કિંમતો:
Micra (Petrol-CVT): XL Fashion Editionની કિંમત 6.20 લાખ રૂપિયા છે. XL (O) વર્ઝનની કિંમત 6.42 લાખ રૂપિયા છે. XV વર્ઝનની કિંમત 7.61 લાખ રૂપિયા છે.
Micra (Diesel-manual): XL (O) વર્ઝનની કિંમત 7.21 લાખ રૂપિયા છે. XV વર્ઝનની કિંમત 7.91 લાખ રૂપિયા છે.
Micra Active (Petrol-manual): XL વર્ઝનની કિંમત 5.03 લાખ રૂપિયા છે. XL (O) વર્ઝનની કિંમત 5.41 લાખ રૂપિયા છે. XV વર્ઝનની કિંમત 5.98 લાખ રૂપિયા છે.