ભારતમાં લોન્ચ થઇ Hyundai i20 ઓટોમેટિક જાણો કિંમત અને ફિચર્સ

2018 Hyundai i20નું CVT ઓટોમેટિક મોડલ ઓફિશ્યલી ભારતમાં લોન્ચ કરવામાં આવ્યું છે. આ નવું ઓટોમેટિક વર્ઝન 2 વેરિયન્ટ્સ મેગ્ના અને એસ્ટામાં મળશે.નવી Hyundai i20 પેટ્રોલ સીવીટીમાં જુના મોડલમાં લાગેલા 1.4 લીટર એન્જિનને 4 સ્પીડ ટોર્ક કન્વર્ટરથી રિપ્લેસ કરવામાં આવ્યું છે. આ સાથે જ નવા વર્ઝનમાં પ્રાઈસ કટ પણ આપવામાં આવી છે. 

નવી Hyundai i20 ઓટોમેટિકની સાથે Hyundai પોતાના કૉમ્પિટિટર્સ મારૂતિ સૂઝુકી બેલેનો અને હોન્ડા જાઝથી આગળ નીકળી છે. આ પ્રીમિયમ હેચબેકને વર્ષની શરૂઆતમાં ફેસલિફ્ટ કરવામાં આવી હતી. આ કારને ઓટો એક્સપોમાં રજૂ કરવામાં આવી હતી. તેના નવા પેટ્રોલ ઓટોમેટિક વેરિયન્ટમાં મેન્યુઅલ વર્ઝનવાળી તમામ ખૂબીઓ છે. 

કંપનીના જણાવ્યાનુસાર પ્રીમિયમ કોમ્પેક્ટ હેચબેક સેગમેન્ટ 2014માં 4.5%હતું જે 2017માં 13% થયું છે. આ સેગમેન્ટમાં ઓટોમેટિક વેરિયન્ટ્સમાં સમયાવિધિ 4થી 14% સુધીનો ગ્રોથ દાખલ થયો છે. 

2018 Hyundai i20 પેટ્રોલ ઓટોમેટિકના સીવીટી વર્ઝનમાં 1.2 લીટર 4 સિલિન્ડર પેટ્રોલ એન્જિન આપવામાં આવ્યું છે. આ એન્જિન 83બીએચપીનો પાવર જનરેટ કરે છે. કંપનીનો દાવો છે કે આ કારને ગિયરશિફ્ટના જર્ક વગર જ સરળતાથી ચલાવી શકાય છે.

2018 Hyundai i20ના ફેસલિફ્ટ મોડલ પર બેઝ્ડ સીવીટી વેરિઅન્ટ્સમાં નવી કાસ્કેડિંગ ગ્રિલ રિવાઈઝ્ડ બમ્પર સ્મોક્ડ હેડલેમ્પ્સ છે. જેના ઓસ્ટા ટ્રિમમાં ડાયમન્ડ કટ એલોય વ્હીલ્સ એલઈડી ટેલલાઈટ અને ડ્યૂલ ટોન બમ્પર આપવામાં આવ્યું છે. i20 ઓટોમેટિક મોડલની અંદર નવું ટચસ્ક્રિન ઈન્ફોટેઈન્મેન્ટ સિસ્ટમ આપવામાં આવ્યું છે. જે એપલ કારપ્લે અને એન્ડ્રોઈડ ઓટોને સપોર્ટ કરે છે. i20 ઓટોમેટિકમાં ડ્યૂઅલ એરબેગ્સ એબીએસ અને ઈબીડી સ્ટાન્ડર્ડ ફીચર્સ બન્ને ટ્રિમ્સમાં અવેલેબલ છે.

i20 સીવીટ વેરિયન્ટની બુકિંગ્સ આ મહિનામાં શરૂ થઇ ગયું છે  અને જેની ડિલીવરી આવતા મહિના સુધી કરવામાં આવી શકે છે.  Hyundai i20 બેઝિક કિંમત 7.04 લાખ રૂપિયા રાખવામાં આવી છે. આ નવું ઓટોમેટિક વર્ઝન બે વેરિઅન્ટ્સ મેગ્ના અને એસ્ટામાં મળશે. એસ્ટા વેરિઅન્ટની કિંમત 8.1 લાખ રૂપિયા છે