2018 Honda Gold Wing: રિવર્સગિયરવાળું ભારતનું એકમાત્ર બાઇક ડિલીવરી શરૂ

જાપાની ટુ-વ્હીલર નિર્માતા કંપની હોંડાની ઈન્ડિયન આર્મએ પોતાનું ફ્લેગશિપ 2018 હોન્ડા ગોલ્ડ વિંગ ટુઅરિંગ બાઈકની ડિલિવરી ભારતમાં શરૂ કરી દીધી છે. હોન્ડા ગોલ્ડ વિંગની નવી દિલ્હીમાં એક્સ-શોરૂમની કિંમત 26.85 લાખ રૂપિયા છે. આ ભારતની એકમાત્ર એવી બાઈક છે જેમાં રિવર્સ ગિયર આપવામાં આવ્યો છે. કોચ્ચિ શહેરમાં ત્રણ ગ્રાહકોને આ બાઈકની ડિલિવરી પણ કરી દેવાઈ છે. ગોલ્ડ વિંગ બાઈકને હોંડાએ 2018 ઓટો એક્સ્પોમાં રજૂ કરી હતી. તેમાં એપલ કાર પ્લે ઈન્ટિગ્રેશન સહિત ઘણા હાઈટેક ફીચર્સ આપવામાં આવ્યા છે.

હોન્ડા ગોલ્ડ વિંગ બાઇકમાં 183CCનું પાવરફૂલ એન્જિન આપવામાં આવ્યુ છે. આ એન્જિન 93 હોર્સપાવરની તાકાત અને 170 ન્યૂટન મીટર ટોર્ક જનરેટ કરે છે. એન્જિનને 7 સ્પીડ ડ્યૂલ ક્લચ ટ્રાન્સમિશન એટલે કે DCTથી સજ્જ કરાયું છે. આ હોન્ડાની પહેલી એવી બાઇક છે જેમાં વિશબોન ફન્ટ સસ્પેન્શન આપવામાં આવ્યુ છે. 

હોન્ડા ગોલ્ડ વિંગની ખૂબી છે કે તેમાં ગિયર લિવર કે ક્લચ નથી. તેના ગિયરને હેન્ડલબાર પર લાગેલી સ્વિચથી કન્ટ્રોલ કરવામાં આવે છે. DTCથી લેસ બાઈક ટ્રાફિકમાં વોકિંગ મોડમાં ચાલવાની સાથે જ રિવર્સ ગિયરમાં પણ ચાલી શકે છે. હોંડા આ ટેકનિક પર ઘણો વિશ્વાસ કરે છે. તેમાં ક્રૂઝ કન્ટ્રોલ વિન્ડસ્ક્રીન એડજેસ્ટ કરવાની સુવિધા સ્માર્ટ કી કન્ટ્રોલ વગેરે ફીચર્સ પણ આપવામાં આવ્યા છે.

તેમાં 7 ઈંચની TFT ટચસ્ક્રીન ઈન્ફોટેનમેન્ટ સિસ્ટમ છે કે જે જાતે જ એપલ આઈફોનથી કનેક્ટ કરી શકે છે. તેની મદદથી તમે એપલ મેપ્સ એપલ મ્યૂઝિક વગેરે સર્વિસીઝને બાઈકની સ્ક્રીન પર જોઈ શકો છે. એટલું જ નહીં હોન્ડાની આ બાઈક સ્માર્ટ ઓડિયો સિસ્ટમથી પણ સજ્જ છે કે જે તમને હેલમેટ કાઢ્યા વિના જ ફોન કોલ કરવાની સુવિધા આપે છે.