દર વર્ષની જેમ આ વર્ષે પણ Forbes ઇન્ડિયાએ વર્ષ 2018ના ટૉપ 100 ધનવાન સેલિબ્રેટીઝનું લિસ્ટ જાહેર કર્યુ છે. જેમાં ટોપ પર છે બોલિવુડના દબંગ ખાન એટલે કે સલમાન. આ સાથે જ ટોપ સેલિબ્રેટીઝમાં વિરાટ કોહલી અક્ષય કુમાર દીપિકા પાદુકોણ મહેન્દ્ર સિંહ ધોનીનો સમાવેશ થાય છે. જ્યારે પ્રિયંકા ચોપરા અને શાહરૂખન ખાનની રેન્કિંગમાં ઘટાડો થયો છે.
પ્રિયંકા વર્ષ 2017માં Forbesની લિસ્ટમાં 7માં નંબરે હતી જે 2018માં 49માં સ્થાન પર આવી ગઇ છે. શાહરૂખ ખાન ત્રીજા નંબરથી 13માં નંબર પર આવી ગયો છે.
સલમાન ખાન આ લિસ્ટમાં પહેલા નંબરે છે 253.25 કરોડની વાર્ષિક કમાણી સાથે સૌથી વધુ કમાણી કરતો ભારતીય સેલિબ્રિટી બની ગયો છે. ગત વર્ષે તેની કમાણી 232.83 કરોડ રૂપિયાની હતી.
228.09 કરોડની કમાણી સાથે બીજા નંબરે વિરાટ કોહલી. ગત વર્ષે તેની કમાણીનો આકંડો 100.72 કરોડ રૂપિયા હતો.
185 કરોડની કમાણીની સાથે ખિલાડી અક્ષય કુમાર ત્રીજા સ્થાને છે. ગત વર્ષે તેની કમાણી 98.25 કરોડ રૂપિયા હતી.
112.80 કરોડ રૂપિયાની કમાણી સાથે મસ્તાની દીપિકા પાદુકોણ ચોથા નંબર પર છે. ગત વર્ષે તેની કમાણી 59.45 કરોડ રૂપિયા હતી.
101.77 કરોડ રૂપિયાની કમાણી સાથે ભારતીય ટીમનો પૂર્વ કેપ્ટન મહેન્દ્ર સિંહ ધોની પાંચમા સ્થાને છે. ગત વર્ષે તેની કમાણી 63.77 રૂપિયા હતી.
97.50 કરોડ રૂપિયાની કમાણી સાથે છઠ્ઠા નંબરે છે મિસ્ટર પરફેક્ટ આમિર ખાન છે. ગત વર્ષે તેની કમાણી 68.75 કરોડ રૂપિયા હતી.
96.17 કરોડ રૂપિયાની કમાણી સાથે સાતમા નંબરે છે બિગ બી અમિતાભ બચ્ચન. ગત વર્ષે તેમની કમાણી 40.00 કરોડ રૂપિયા હતી.
84.67 કરોડ રૂપિયાની કમાણી સાથે સાતમા નંબરે છે રણવીર સિંહ. ગત વર્ષે તેની કમાણી 62.65 કરોડ રૂપિયા હતી.
80.00 કરોડ રૂપિયાની કમાણી સાથે નવમાં નંબરે છે લિટર માસ્ટર સચિન તેંડુલકર. ગત વર્ષે તેની કમાણી 82.50 કરોડ રૂપિયા હતી.
74.50 કરોડ રૂપિયાની કમાણી સાથે દસમા સ્થાન પર અજય દેવગણ છે. ગત વર્ષે તેની કમાણી 48.83 કરોડ રૂપિયા હતી.